Die wichtigsten Dramen von Ödön von Horváth. Ödön von Horváth

Чтение книги онлайн.

СКАЧАТЬ Ab in die Baracke. Simon, Xaver, Hannes steigen nach links empor.

      MAURER

      zu Schulz: Zu! Zu! Es pressiert!

      SCHULZ

      Moment! Man muß es gewohnt sein.

      SLIWINSKI

      Jetzt kimmt d'Sonn.

      SCHULZ

      Wie?

      MAURER

      gewollt hochdeutsch: Die Sonne.

      SCHULZ

      Wo?

      REITER

      lacht kurz: Wo? Wo? Jetzt fragt der, wo d'Sonn aufgeht!

      MAURER

      Wo geht denn d'Sonn auf bei dir zhaus?

      SCHULZ

      Im Osten.

      SLIWINSKI

      Hergott Sakarament! Jetzt ist d'Sonn scho da, und wir san no allweil net drobn! I geh! I mag da net naufschwitzn in der Hitz! Heut is so so dumpf – als war die ganz Welt a Kasemattn.

       Er steigt empor. Reiter, Oberle, Maurer folgen ihm nach. Schulz stiert müde vor sich hin; will den Anderen nach.

      MOSER

      Halt! Schulz erblickt ihn und zuckt etwas zusammen; will weiter. Halt! – Du, hör her – i bin extra etwas hint bliebn, weil i di hab sprechn wolln, weil i mit dir hab redn wolln, wegen gestern. Mancher werd halt leicht wütend, des ist Veranlagungssach, net? Verstehst, aber man meints ja gar net so drastisch. Des gestern, des war – horch! I will di net um Verzeihung bittn, i war ja im Recht, verstehst? Wenn da so a Fremder über dei Mensch kimmt, ha? I hab scho ganz recht ghabt! Net? Oder? – Aber da plärrt gleich alls und Jeder, man is a Rohling, und man hat do recht, das sakrische Recht is do auf meiner Seitn, net? Des versteht do jeder! – Aber, weißt, was i net versteh? Daß i im Recht bin und daß es mir trotzdem is, als hätt i Unrecht gtan – verstehst du des? Kann des a Mensch verstehn?!

      Steiler Grat. Gletscher ringsum. Ziehende Wolken. Stoßweise Sturm. Vormittag.

       Simon, Xaver, Hannes ziehen ein Kabel, das über eine Walze aus der Tiefe nach der Höhe rollt, empor: »Ho ruck! Ho ruck! Ho ruck!« verschnaufen ab und zu; wechseln wenige Worte.

      SIMON

      Der sakrische Sturm! Da kannst schier nimmer schnaufn!

      XAVER

      Die Sonn glitzert wie a Seifenblasn.

      SIMON

      Lang hält sichs nimmer.

      XAVER

      Schau, wie die Wolkn runterdruckn. Als bügelt der Himmel die Berg platt. Zu an Pfannkuchen! »Ho ruck! Ho ruck! Ho ruck!«

      SIMON

      Zieh zu, Hannes! Fester!

      HANNES

      I zieh ja!

      XAVER

      An Dreck ziehst! I spürs!

      SIMON

      Wenn wer auslaßt, kimmt kaner vom Fleck!

      XAVER

      Zu! »Ho ruck! Ho ruck! Ho ruck!« – Auf Punkt 3018 wird gesprengt.

      SIMON

      Gsprengt.

      HANNES

      Die Stein! Die Stein! Des donnert runter, wie beim Jüngstn Gricht.

      XAVER

      Glaubst du an des Jüngst Gricht?

      HANNES

      Ja.

      XAVER

      Unmögli wars ja net.

      SIMON

      Hin is hin.

      HANNES

      Na! Wir auferstehn!

      SIMON

      Du scho! I net! I mag net! I laß mei Arsch lieber von Die Würm zernagn, als daß ihn dei Jüngst Gricht auf ewig ins höllisch Feuer steckt! Is ja auch nur a Klassengricht! Nebn an gutn Gott spitzelt der Gendarm und dir stellns an Verteidiger, der an sei Schellensolo denkt, net an di! Es gibt kane Gerechtigkeit! »Ho ruck! Ho ruck! Ho ruck!«

      XAVER

      Des war net recht vom Moser. Gestern. Na, des war net recht, des Theater mit dem Schulz, oder wie er si schreibt.

      HANNES

      Theater! Hihihi! De Vroni markiert an Unschuldsengel und is do a läufigs Luder!

      XAVER

      Im Schlaf hat der scho so danebngredt, als hätt ihn a toller Hund bißn, direkt wild. Und gwinselt, die ganz Nacht. Habts denn bloß gschnarcht und nix ghört?

      HANNES

      Den werds halt von lauter Abortdeckl gträumt habn! Vom Moser seine Prankn! Wie a Löw! Hihihi!

      XAVER

      Halts Maul, Dorftepp damischer! »Ho ruck! Ho ruck! Ho ruck!« Sakradi! Die Kalt reißt an d'Haut vo der Hand! Des Scheißkabl schneidt wie a Rasiermesser.

      SIMON

      Hast kane Handschuh?

      XAVER

      San a scho zerfetzt!

      HANNES

      Und schwaar is des Zeig!

      SIMON

      Aufn Bindfadn hängt man kan Waggon! Für dreißig Personen mit Sitzgelegenheit. »Ho ruck! Ho ruck! Ho ruck!« No zehn Meter.

      HANNES

      Einmal, wanns ferti is, möcht i scho damit fahrn. Rauf und runter.

      SIMON

      Da werst net weni Taler brauchn! A Bergbahn werd ja bloß für Direkter baut, für lauter Direkter! – Aufn Gipfel kimmt no a Hotel mit Bad und Billard. Auf Punkt 3018 wird wieder gesprengt: zweimal.

      HANNES

СКАЧАТЬ