Best Books Studiewerkgids: Pad na jou hart Gr 10-11 HT en EAT. Alta Engelbrecht

Чтение книги онлайн.

      Die volgende oggend daag hy, moeg ná die reis, by Vecto Petroleum op. Hy sluit die hekke oop sodat die werkers kan inkom. Die werkers juig hom toe en dit laat hom voel dat hy werklik iets bereik het. Hy besef dat hy ___________ het om die soort mens te wees wat hierdie maatskappy nodig het. Intussen is Amory se ma by haar in die hospitaal. Sy kyk na haar lysie en die blommetjie op haar enkel.

      Basson lees die laaste brief wat sy pa vir hom gelos het. Sy pa verduidelik dat hy vir Amory met haar ______________________ leer ken het in die hospitaal en dat hy haar gevra het om vir Basson saam met haar op haar beplande reis te neem. Sy wou nie instem dat hy vir haar operasie betaal nie, maar hy het daarop aangedring. Basson besluit om weer na die DVD te kyk wat sy pa gemaak het. Hierdie keer sit hy dit nie af toe dit klaar is nie en hoor Amory se stem wat sê (bl. 198): “Almal verdien ’n tweede kans, Oom, en ek dink dit is die moiste ding wat enige pa nog vir sy seun gedoen het.”

      Die volgende dag, nadat hy die kontrak geteken het waarvolgens hy die baas van die maatskappy word, sê André aan hom dat Amory om drie-uur daardie middag geopereer word. Hy besef sonder Amory sal hy steeds soekend bly en besluit om na haar toe te vlieg (en sommer sy vrees vir vlieg te__________________). Die kompas gaan nou oop. Binne is sy ouers se name en troudatum ___________. Hy besef “ware noord” is nie ’n plek of iets anders nie, maar ___________, en sy ma was sy pa se ware noord.

      In die hospitaal is daar nog ’n laaste item op Amory se lysie. Sy neem die ballonne wat Dawn en Lennon vir haar gebring het na die dak van die hospitaal en maak haar padkaart en die _______ van Basson daaraan vas. Op haar lysie staan: 8. Laat gaan. 9. LEEF. 10. ? Sy besef sy sal vir Basson moet laat gaan. Dan storm Basson op die daktuin na haar toe. Hy vra waarom sy nie eerlik met hom was nie. Nadat hy klaar met haar baklei het, word die twee versoen wanneer Basson besef hoe hy voel, asook dat hy eintlik maar net moet sê wat en hoe hy voel. Dan gooi hy al die reëls wat hy voorheen aan homself gestel het, eenkant en sê hy soek haar __________, wil die ________ van sy huis vir haar gee, wil graag hê sy moet sê sy is lief vir hom, en hy het selfs al haar ma ontmoet. Daarmee verklaar hy dus sy liefde aan haar. Hy verander die vraagteken by nommer 10 toe in ’n hartjie.

      Tydens die operasie sit hy en Gerda, Amory se ma, gespanne en wag en bid. Die laaste hoofstuk begin waar hulle in sy huis op die bank lê. Op die tafel lê ’n brosjure van Meksiko en _________________. Die ______________ wat sy so vertroetel het, is nou in ’n glasbak en groei mooi. Hy hang die kompas versigtig om haar nek. Hy het sy ware noord gevind.

      Samevatting

      As jy hierdie hoofstuk deurgewerk het, is jy gereed om met die werklike ontleding van die roman en film te begin. In hierdie hoofstuk het ons net aan die intrige aandag gegee. Jy ken nou die fases van die intrige en hoe die gebeure in hierdie roman daarby inpas. In die volgende hoofstuk gaan jy die ander elemente van prosa soos die karakters, dialoog, konflik, ruimte, temas, simboliek en die vertellersrol bestudeer. Al die nodige teorie hieroor sal bespreek word. By elke element sal daar ook vrae wees wat jou sal help om op ’n dieper vlak jou insig te toon.