Название: Беларусалім. Кніга першая. Золак
Автор: Павел Севярынец
Издательство: Электронная книгарня
Жанр: Современная зарубежная литература
isbn: 978-617-7599-15-8
isbn:
Труба. Трыюмфальная труба.
Нарэсьце ён даведаецца – хто ж ён, д’ябал. У чыёй плоці, з чыёй лічынай рыскае па Менску, шукаючы, каго паглынуць… Стараста?.. Голагаловы гопнік? Мент? Доктар са шпіталю? Ён сьцяў кулакі і задрыжэў ад гатоўнасьці выбухнуць.
– Ян… Што з табой?
Ян з жахам глядзеў у вочы айца Рыгора.
Айцец!..
У ім усё імгненна руйнавалася, у душу абрушыліся крушні – ён рэзка разьвярнуўся і даўся з Сабора прэч. Гулкае рэха раптам закіпела вакол, царква вырыгнула яго. І бурлівая Няміга, поўная равучых натоўпаў, пацягнула яго праз парогі праходняў ды прыпынкаў, скрозь боль у рэбрах, суглобах і ашпараным твары.
– Ян, стой!
Стой у свабодзе. Стой у свабодзе, Ян. Леў дагнаў яго ля прыпынку ярасным дыханьнем.
– Паслухай…
Рэзка павёў плячом на дотык, захінуў чорнае крыло плашча, рушыў далей і толькі цяпер пачуў, як пад нагамі квэцае слата. Новы год, вось табе маеш.
– Ад сябе самога нікуды не ўцячэш.
Ян і вухам не павёў, квэцаў далей, хаця гэта падзейнічала.
– Або заб’юць, або апусьцісься, – стопудова дышучы, злосна брохаў па слаце Леў.
Ян маўчаў, сьцяўшы зубы. У правал метро, і прападай усё пропадам. А той, напэўна, ужо дыхаў вагнём.
– Ды паслухай ты… Хочаш волі – ідзі за мной.
Моўчкі, жорстка, ён адтарабаніў барабанны дроб па прыступках метро, уцякаючы ад ільвінага рэха і брохату усьлед, гахнуў шклянымі дзьвярыма, хай бы разьнесла адным ударам гэтаўсё, і да самай сярэдзіны платформы драбіў адлюстраваньні берцамі, падначалены цяжкому-цяжкому року.
Леў, задыханы, абагнаў яго, паказаў рукой направа і хрыпла сказаў: – Паехалі.
Угары вісеў чорны таран зь незразумелым надпісам на нейкай старажытнай мове. Падзем’е, поўнае гулкіх і патаемных шэптаў, замерла – нібыта гэты таран зараз абарвецца проста яму на галаву.
Значыць, так.
Калі першы цягнік прыйдзе ў бок Кальварыі – ён вырвецца адсюль… адусюль! – і проста сыдзе. Хопіць глабальных мрояў. Куды? На Фрунзенскую, да Хрысьціначкі? На Каменную горку, да Алесі? На Слабадскую, да вытанчанай паэткі Веранікі?..
Ты настолькі далёка, што я
Магу пра цябе толькі марыць,
Ты настолькі блізка, што часам
Перадаеш пяшчоту дыханьнем.
Толькі Ён умее быць
Так далёка
І гэтак блізка —
А ты проста ўводзіш мяне
У Ягоны сьвет
Адным дотыкам
Любых пальчыкаў…
…Ці на Старажоўку, у ціхі цік свайго сэрца?
Калі ў бо� СКАЧАТЬ