Samlede Værker, Tredie Bind. Aakjær Jeppe

Чтение книги онлайн.

      Nørholm.

      Altsaa: De har virkelig bortspillet hele Summen, alle de 4000 Kr.?

      Ja!

      Og til hvem?

      Ræber tog de flest. Maagen te Uheld haar a aalle hat. A saa tit med hiel gued Kwot; men hjælper det nøj, nær der er Wonheld for jens Dar? A taft og taft og det den hiele Næt, først mi egn Peng saa æ Mejeris. Der gik Tôg for mi Øwn, a vidst knap a mæ sjel aa sej. Da a kjor ud aa æ Bøj, war æ mi Ajt aa kaast mæ i æ Aa, og nær a ett gjord æ, war æ aaljenne for det, a ett haaj Villi nok te aa ryw æ Hejst i Staa, imen a sprang aa æ Vogn. Hwordan a kam hjem, er mæ endnu en Gaad. Det war jen Ravmørk øwer det hiele, og a laa æ Hejst dje Temm nied i æ Vogn og lod dem fuldstændig skjøtt dem sjel i den Hoef, te a skuld vælt og brækk æ Hals. A tint æ hiele Vej saa læng a kjor: Nu er du en Kjeltring for Gud og Mennesker; nu blywer du saat og kommer i æ Towthus, og det er æ jo ogsaa, De er kommen for aa sej mæ?

      Nej vist ikke nej, Hr. Rævsgaard! Jeg vilde kun gjøre Dem opmærksom paa Faren. Men De har dog sagtens Venner, der baade vil og kan hjælpe Dem? Det gjælder kun om, at her handles hurtigt, før Sagen kommer ud imellem Folk.

      Ja hwem tror De, der vil hjælp mæ.

      Aa, jeg tænkte om f. Ex. ikke Ræber —

      Ræber!?

      Ja, han har jo dog faaet de fleste af Pengene baade denne Gang og tidligere.

      Den fjedted Stod'er! Haar De nowtid hør, te han haar hjulpen nue uden aa æ Dyn og i æ Halm?

      Naa, saa er der jo Mads, Svigersønnen.

      Ja, ham haar a ogsaa gued nok tint ved som den jennest, der kund vær Taal om.

      Jeg tror sikkert, det var hans Vogn, der holdt heromme ved Møllen med et Læs Grutning; De skulde lade en af Deres Folk løbe derom og se efter, om han ikke selv var der.

      Fip!

      A tytt, du raaft ad mæ. Haar du nøj, du vil mæ?

      Ja, løb lig om te æ Møll og si atter, om ett Mads skuld vær der; og hwis han er der, saa bed ham om aa komm te æ Dar i en Snaarhied.

      Aa, du haar aaltid nok aa jav jen atter! Nu skuld a hat æ Unnen færdig.

      Ja Mads det er en Mand, der er over sine Sager.

      Ja, der er ingen small Stejer.

      Blot han nu ikke stiller sig paa Bagbenene, for det er en Karl, der ved, hvad Penge er værd.

      Ja, slaar han æ Haând af mæ, saa haar a ett andt aa grif te end aa hæng mæ sjel.

      Aa, Snak, Rævsgaard. Der kan findes Udveje, ingen har tænkt paa. Hovedsagen er som sagt, at der handles gesvindt.

      Goddaw i Herrens Navn, og Gud bewor wor Indgaang og wor Udgaang!

      Vil du snakk med mæ, Wolle?

      Ja, Mads; du maa ett find æ underle, men a er da kommen i en sær faale Forlejenhied; derfor war æ, at vild gjør mæ saa fri aa spørg, om du ett for gammel Venskabs Skyld og i Jesu Christi Navn vild læ mæ en Haând lig nue faa Daw?

      Er æ Peng, der er Taal om?

      Ja, aaeja; a er kommen i Baagstaând; men du skal ett kom te aa fortryd æ, om du hjælper mæ terett.

      Ja manne Tak, det er saa møj godt det. Men en Swigersøn – han skuld jo da snaarere ha Peng end ud med Peng, nær Ret skuld vær; søen haar a da aaltid forstavn æ.

      Hvor stur er saa di Betryk?

      Ja si, a wanter jo lig jenle 4000.

      Fir Tusind! Ih, kjere himmelske Fader; hwor skuld a faa dem fræ! Og hwad vil du gjør med aall de Peng. Fir Tusind! A tror, æ Mand primer!

      Haaj æ endda wot – for a vil sej – fir Hunder, det haaj en wal kommen øwer. Men det her! – Nej, nej, nej! Snak aalle te mæ om det!

      Ja, men bette kjære Mads, saa gaar a tegrund!

      Hwad gjør du?

      A gaar i æ Towthus. – Det er æ Mejeri …!

      Haar du tavn aa æ Kass?!

      Ja.

      Jamen СКАЧАТЬ