Op vlerke van geloof. Solly Ozrovech

Чтение книги онлайн.

СКАЧАТЬ 8:18–30

      Ons is immers gered, en ons het nou hierdie hoop. Wat ’n mens al sien, hoop jy tog nie meer nie … Maar as ons hoop op wat ons nie sien nie, wag ons daarop met volharding. – Romeine 8:24–25

      Wanneer die dood ’n familiekring binnedring, is daar droefheid. Ons is hartseer oor ons verlies en eensaamheid, ons onsekerheid en vrees. Dit is die genadegawe van hoop in ons hart wat op só ’n dag ons vrees in vertroue, ons droefheid in vreugde, ons twyfel in sekerheid en ons eensaamheid in heilige geloofsgemeenskap omskep. Hoop vul ons hart met blydskap en vertroue in die ewige goedheid van God.

      Hoop is een van die drie onsterflikes, met Geloof aan die linkerkant en Liefde aan die regterkant (1 Kor 13:13).

      Geloof is leeg en Liefde betekenisloos sonder Hoop. Dis die anker van die siel (Heb 6:18).

      Hoop gee aan ons ’n onoorwinlike gees. Wanneer die Hoop lewe, lewe alle dinge.

      Hoop sê vir ons dat hierdie lewe slegs die voorwoord is tot die ewige lewe.

      As die wêreld vra: “Is jy bang?” antwoord Hoop: “Nee, want my Here is daar!” Só bring Hoop vir ons rus en veiligheid.

      GEBED

      Ewige God, ons loof U vir u Woord wat altyd nuwe hoop bring wanneer wanhoop ons bedreig. Versterk ons daagliks in die onblusbare hoop wat die deel van u kinders is.

      18 Januarie

      Die krag van gebed

      LEES 1 Tessalonisense 5:12–22

      Bid gedurig. – 1 Tessalonisense 5:17

      Gebed is ’n lewenswyse, nie ’n noodknoppie nie. Baie mense dink gebed is net vir dié wat nie die moed het om die uitdagings van die lewe te aanvaar nie. Te veel mense dink gebed is ’n ontvlugting; ’n formule waardeur God vir jou dinge doen wat jy eintlik vir jouself kan en moet doen.

      Ware gebed is egter meer as ’n noodkreet wanneer ons met ons rug teen die muur staan en alle ander pogings misluk het. Gebed het onbeperkte voordele vir hulle wat dit deel van hul lewe maak. Dit kan ’n positiewe krag in ons lewe word wat vrede en ewewig bring.

      Om stil te word voor God help om die lewe in perspektief te sien. God skenk leiding aan dié wat biddend daarop wag en gewillig is om hul deel te doen. Daarom lees ons in Jakobus 1:5: “As een van julle wysheid kortkom, moet hy dit van God bid, en Hy sal dit aan hom gee, want God gee aan almal sonder voorbehoud en sonder verwyt.”

      God wil ook met ons praat deur gebed. Ons moet Hom net toelaat om dit te doen. Deur meditasie voor God sal Hy ons deur sy Gees lei. Gebed gee ons die versekering van God se almag en teenwoordigheid te alle tye in ons lewe en daarby ook ’n nuwe ervaring van ware lewe.

      GEBED

      Hoorder van gebed, dankie dat u heilige lig deur gebed op my lewenspad val en dat dit my in staat stel om vrugbaar te lewe.

      19 Januarie

      ’n Immanuel-geloof

      LEES Matteus 1:18–25

      Sy sal ’n Seun in die wêreld bring, en jy moet Hom Jesus noem, want dit is Hy wat sy volk van hulle sonde sal verlos. – Matteus 1:21

      God het in sy Seun met ’n heerlike doel by ons kom bly. Hy het die gestalte van ’n dienskneg aangeneem sodat doodgewone mense Hom makliker kan verstaan en in ’n nuwe verhouding tot Hom kan leef.

      Daar is ’n ingebore honger in mense om verenig te lewe met hul Skepper. Dit dring hulle om na God te soek. In Christus het God Homself op ’n besondere wyse aan elke mens kom aanbied. Die verstommende van hierdie Goddelike gawe was die eenvoud daarvan: ’n kindjie in ’n krip; ’n timmermanseun; ’n sterwende aan ’n kruis. Juis hierdie eenvoud het dit vir baie moeilik gemaak om sy grootheid en uniekheid te begryp en om Hom in geloof aan te neem.

      God gaan voort om onder mense te lewe. Aan dié wat Hom liefhet en dien, wat in Hom bly soos die loot in die wingerdstok, gee Hy die versekering van sy teenwoordigheid deur sy Gees. As jy met sy Gees vervul is, sal jy altyd bewus wees van jou geborgenheid in Hom. Jy sal nooit alleen wees nie. Jy sal nooit bang wees vir die uitdagings van die lewe nie, want jy besit ’n Immanuel-geloof!

      GEBED

      Ewige God, dankie dat U in Christus my Vader is, dat ek u beloftes in my hart kan vashou. Help my om altyd by U te wees.

      20 Januarie

      Genade onbegryplik groot

      LEES Titus 3:1–11

      Hy het ons verlos, nie op grond van iets wat ons vir ons vryspraak gedoen het nie, maar op grond van sy eie ontferming. – Titus 3:5

      Die genade van God is die enigste geneesmiddel vir al die misverstand, haat en bitterheid van hierdie wêreld. Ongelukkig tree baie Christene op asof hulle alleenreg op hierdie genade het. Dit veroorsaak skeuring en aftakeling van die groot werk waartoe die kerk geroep is.

      Daar is mense wat groot finansiële bydraes aan die kerk kan gee of die vermoë het om leiding in die kerk te neem, maar dan eis hulle spesiale erkenning en voorkeurbehandeling daarvoor. Dit veroorsaak onderlinge jaloesie wat die kerk van Christus nie waardig is nie.

      Elke Christen-dissipel behoort bewus te wees van een allesoorheersende waarheid: Ons is deur genade alleen gered, nie deur ons eie verdienste nie. As ons dit met dankbaarheid kan aanvaar, sal ons die nederigheid en die liefde kan openbaar wat só duidelik sigbaar was in die lewe van Christus. Dit behoort ook die kenteken van elke ware Christen te wees. Alleen hierdeur sal ons saamgebind word tot ’n gemeenskap wat ’n ware liggaam van Christus in die wêreld sal wees.

      GEBED

      Heiland, U het aan my onbegryplik groot genade bewys. Help my om dit deur te gee aan almal met wie ek in aanraking kom en dat u beeld altyd in my weerkaats sal word.

      21 Januarie

      God maak sy wil bekend

      LEES 1 Konings 19:1–21

      Na die aardbewing was daar ’n vuur. Maar in die vuur was die Here nie. En na die vuur was daar ’n fluistering in die windstilte. – 1 Konings 19:12

      God maak sy wil op verskillende maniere aan ons bekend. Toe Elia moedeloos was, wou die Here Homself aan Elia openbaar om hom te versterk en te bemoedig. Eers het ’n sterk wind die berge geskeur; ná die wind was daar ’n aardbewing; ná die aardbewing ’n vuur – en in nie een van hulle was die Here nie. “En na die vuur was daar ’n fluistering in die windstilte” (vers 12). Dit is moontlik om die wil van God in die stilte te leer ken, om sy leiding, genesing en liefde konkreet te ondervind.

      Dit is egter in ons gejaagde lewe goed om te weet dat God soms ook in die warrelwind en die orkaan met ons praat, soos met Job: “Die Here het weer vir Job aangespreek uit die stormwind uit …” (40:1).

      Hy is nie alleen die God van die stilte nie, maar ook die God van die aktiewe, gejaagde lewe. In die storms van die lewe kan God aan u sy duidelike leiding skenk as u gewillig is om te luister na sy stem en gehoorsaam te wees aan sy wil. ’n Besige lewe is geen struikelblok in ons ontmoeting met Hom nie. Ons moet maar net die begeerte hê om by Hom uit te kom. Jy sal vind dat СКАЧАТЬ