Op vlerke van geloof. Solly Ozrovech

Чтение книги онлайн.

СКАЧАТЬ het sy vrede aan ons gegee, want Hy het geweet die soektog na vrede sou deel wees van die mens se lewe. En ons soek sy vrede omdat ons weet dat die wêreld se vrede maar ’n floue weerkaatsing is van die vrede wat God toesê.

      Om Christus se vrede te kan opeis, moet ons eers kinders van God word deur Hom in die geloof aan te neem (Joh 1:12). Ons moet sy vergifnis aanvaar en gereinig word van alle ongeregtigheid. Ons moet sy heerskappy en teenwoordigheid in ons lewe begeer en toelaat. Ons leuse moet wees: Die Here is by ons. Dan moet ons sy wil vir ons lewe soek, aanvaar en gehoorsaam. Na die voorbeeld van Christus moet ons streef om God te behaag en ons eie wil by sy wil aan te pas.

      Christus gee aan ons die wonderlikste vrede: die vrede van God! Hierdie vrede is enig en anders, volkome en konstant, universeel en eg. Om deel te kan hê daaraan moet ons ’n vaste geloof hê in Jesus Christus, die bron van vrede; die verhouding tussen ons en God moet gesond wees, en ons moet in vrede met onsself en ons medemens leef.

      GEBED

      Ek dank U, liefdevolle Vader, dat ek u vrede kan opeis omdat Jesus Christus die pad na U vir my oopgemaak het.

      13 Januarie

      Elke dag is ’n gawe van God

      LEES Psalm 118

      Dit is die dag wat die Here gemaak het; laat ons daaroor juig en bly wees. – Psalm 118:24

      Die dag van vandag is ’n onbeskryflike gawe van God aan jou. Dit beteken nie dat alles voorspoedig sal verloop of dat jy nie versoek sal word nie, maar as jy met dankbaarheid die gawe aanvaar, sal jy bewus word van sy genade in jou lewe.

      Jy kan jou jare tel volgens die syfer of volgens die inhoud daarvan. ’n Lang lewe wat leeg is aan geloof, liefde, arbeid en genade, is baie kort as God dit meet. En ’n kort lewe, gevul met vreugde, geloof, arbeid en liefde, kan lank wees as God sy meetsnoer daarlangs lê. Dit is hóé jy elke oomblik van elke dag benut wat bepaal wat die gehalte van jou lewe is.

      In sy onmeetlike genade laat God dit aan ons oor om te besluit hoe vandag sal wees. Moontlik het jy reeds met vrees gedink aan die teëspoed wat jou kan inhaal. Miskien voel jy moedeloos en terneergedruk nog voor die dag begin het. Sulke gedagtes is teenproduktief en maak jou onnodig ongelukkig.

      Om ander gelukkig te maak sal jou eie geluk verseker. Hul geluk sal jou geluk wees en ’n warm gloed van jubelende blydskap sal oorspoel na elke nuwe môre van jou lewe.

      GEBED

      Skepper-God, ek aanbid U as die gewer van hierdie dag. Dankie vir die voorreg om dit tot u eer te gebruik en dit met ander te deel.

      14 Januarie

      God is groter as jou probleem

      LEES 2 Korintiërs 4:7–15

      In alles word ons verdruk, maar ons is nie terneergedruk nie; ons is oor raad verleë, maar nie radeloos nie; ons word vervolg, maar nie deur God verlaat nie, op die grond neergegooi, maar nie vernietig nie. – 2 Korintiërs 4:8–9

      Tragiese gebeurtenisse en moeilikhede kom dikwels op ons af sonder dat ons daarvoor soek. Wanneer dit gebeur, word ons verward en opstandig. Ons eis ’n verklaring waarom hierdie dinge met óns gebeur en roep selfs vir God tot verantwoording.

      As ons werklik ernstig soek na ’n oplossing, moet ons die Heilige Gees vra om aan ons die waarheid omtrent onsself te openbaar. Dit is ’n uitdagende en verootmoedigende ondervinding, maar ook bevrydend. As ons in selfondersoek die verhouding tussen ons en God regstel, leer ons deur ons probleme iets van sy liefde, genade en vergifnis. Dán het ons ’n kragtige geloof in ’n almagtige en liefdevolle God; ’n geloof wat nie van omstandighede afhang nie.

      Gaan vandag met jou probleem na jou hemelse Vader. Leef dan in die oortuiging dat God groter is as jou probleem en betuig jou gewilligheid om sy wil te doen. Dan leef jy binne die trooslaer van God!

      GEBED

      Hemelse Vader, as my probleme vir my te veel word, leer my deur u Gees die waarheid omtrent myself. Sterk my in die geloof dat U in Christus Jesus reeds vir my ’n antwoord het.

      15 Januarie

      Barmhartigheid gebore uit liefde

      LEES Psalm 118

      Dit is die dag wat die Here gemaak het; laat ons daaroor juig en bly wees. – Psalm 118:24

      Geloof wat nie uitmond in dade van liefde nie, is onvrugbaar en nutteloos. Jou geloof moet lei tot ’n dieper ervaring met God, die bron van alle ware liefde. Om ’n geloof te besit wat, deur liefde gedring, tot dade oorgaan, vereis dus ’n onafgebroke verbintenis met Hom.

      Deur Jesus Christus só lief te hê dat sy teenwoordigheid ’n werklikheid in jou lewe word, word jou geloof besiel sodat jy dade van liefde verrig. ’n Vaste geloof in die Heiland is die grondbeginsel van Christelike barmhartigheid.

      Geloof kan alleen lewend en betekenisvol wees as dit deur die liefde gedra word. Sonder liefde bereik jou geloof nooit die hoogte, diepte, lengte of breedte wat dit kán bereik nie.

      Geloof moet besiel word deur die liefde. Dan eers word jou godsdiens ’n praktiese werklikheid in jou lewe. Dan kyk jy weg van jouself en jou eie probleme en sien met nuwe oë die wêreld in nood rondom jou raak. Jy hoor die smeekgeroep en jy weet dat jy ’n liefdestaak het om te verrig. Dan is jou geloof nie meer bespiegeling en vroom woorde nie, maar word dit liefde in werksklere!

      GEBED

      Heilige Meester, U het ons geleer hoe om ons naaste in liefde te dien. Help ons sodat ons geloof ons daartoe in staat stel. Kom ons ongeloof tot hulp.

      16 Januarie

      Produktiewe gebed

      LEES Jesaja 59:1–8

      Die arm van die Here is nie te kort om te help nie en sy oor is nie te doof om te hoor nie. – Jesaja 59:1

      Baie kinders van die Here beskou gebed en bepeinsing as iets wat alleen beoefen word as daar genoeg tyd is, as ’n soort versekering teen ramp en ongeluk.

      Gebed is egter daar sodat ons God se wil vir ons lewe kan ontdek en nie sodat ons die wil van God kan buig om by ons wil aan te pas nie.

      Voordat die seën van gebed ons deel kan word, moet die tegniek van gebed gekweek en getrou beoefen word.

      Tyd wat in stilte met God deurgebring word, is die fondament van ware gebed. Om op die Here te wag kan ’n verstommende invloed in jou lewe word. As dit vroeg in die môre geskied, gee dit ’n lewende, sprankelende gehalte aan jou dag.

      Ná die tyd wat met God deurgebring is, gaan jy die lewe kalm en ewewigtig tegemoet. Die morele keuses van die lewe word duideliker omlyn en jy het ’n meer besliste bewussyn van die leiding van God in jou lewe. Jy ontwikkel die vertroue om die dag te hanteer. Jy is blymoedig, jou gedagtes gesuiwer, jou hande en voete beslister, jou oë vonkel en jy is ’n meer produktiewe mens wat lewe tot eer van God!

      GEBED

      Hoorder van gebed, laat niks my beroof van die kosbare tyd wat ek alleen met U kan deurbring nie.

      17 Januarie

      God СКАЧАТЬ