Voetspore 2. Johan Badenhorst

Чтение книги онлайн.

СКАЧАТЬ gewoonlik uit koffie en beskuit, en graanvlokkies vir die kinders. Daar is egter soms die kans om iets spesiaals te maak. Dis gewoonlik wanneer jy ’n paar dae lank op ’n plek oorstaan of uitry na ’n mooi plek spesifiek om daar ontbyt te gaan maak.

      Eiers is feitlik oral te koop. Dit is egter altyd verstandig om die eiers, selfs dié wat jy by Woolies gekoop en die hele pad saamgery het, een vir een in ’n piering te breek voordat jy dit by die res van die gereg gooi. Een vrot eier kan maak dat almal daardie oggend bokspap eet.

      Voetspore-omelet

      Altyd ’n staatmaker. Ek het dit een dag in Kameroen gemaak toe die ander manne die voertuie gediens het.

      Voorbereidingstyd 20 minute • Gaarmaaktyd 20 minute

       Genoeg vir 6 mense

      2 uie, gekerf

      olyfolie

      250 g sampioene

      botter

      2 eiers per persoon

      bietjie melk

      1 groenrissie, gekerf

      2 tamaties, gekerf

      gerasperde kaas

      gemengde gedroogde kruie

      sout en peper na smaak

      Braai die uie in olyfolie tot sag; hou eenkant. Braai die sampioene in botter; hou eenkant. Klits die eiers en ’n bietjie melk saam (moenie met sout geur nie). Smelt botter in ’n pan op ’n warm plaat en gooi genoeg geklitste eier vir een omelet daarin. (Botter werk gewoonlik beter as margarien.)

      Plaas ’n vulsel van uie, sampioene, groenrissie, tamatie en kaas in die middel van die omelet. Vou toe en besprinkel met gedroogde kruie, sout en peper.

      Sit saam met roosterbrood voor. Groen Tobasco gaan ook heerlik hiermee saam.

      Uitsmijter

      Hierdie Hollandse spesialiteit is ’n gawe plaasvervanger vir spek en eiers.

      Voorbereidingstyd 10 minute • Gaarmaaktyd 20 minute

       Genoeg vir 6 mense

      botter

      6 eiers

      6 skywe kaas

      6 snye roosterbrood, gebotter

      6 skywe ham

      mosterd

      tamatieskywe

      gedroogde pietersielie

      Smelt botter in ’n pan en bak die eiers daarin. Sit ’n skyf kaas op die geel van elke eier. Plaas ’n skyf ham op elke sny gebotterde roosterbrood en smeer dit met mosterd. Plaas die eiers met kaas bo-op, en garneer met tamatieskywe en pietersielie.

      Mexikaanse omelet

      Wees gewaarsku: As jy hierdie gereg een keer gemaak het, moet jy bereid wees om dit nog baie kere daarna te maak. Jy sal naderhand moeg word vir al die versoeke.

      Voorbereidingstyd 20 minute • Gaarmaaktyd 20 minute

       Genoeg vir 6 mense

      2 uie, in skywe gesny

      10 ml (2 t) fyngekapte knoffel

      10 ml (2 t) gekapte brandrissies

      olyfolie

      1 pak (250 g) spekvleis, in stukkies gesny

      2 blikke tamatie-en-uiesmoor

      6 eiers

      250 g kaas, gerasper

      sout en peper

      gedroogde pietersielie

      roosterbrood

      Braai die uie, knoffel en rissies in olyfolie op ’n gietysterplaat of vlak skottelbraaier tot sag. Voeg die stukkies spek by en braai alles tot gaar. Hou die spekmengsel eenkant. Gooi al die tamatie-en-uiesmoor op die plaat, maak ’n paar holtetjies en breek die eiers daarin oop. Sprinkel die spekmengsel en die kaas oor. Geur met sout en peper na smaak, en garneer met pietersielie. Sit ’n deksel bo-oor die omelet (kyk wenk hieronder), laat ongeveer 10 minute staan en sit op roosterbrood voor.

      WENK: Die grootste probleem met hierdie gereg is die deksel. Die meeste gasbraaiers en Webers het ’n koepeldeksel wat goed werk. Anders gebruik mens sommer die emaljeskottel wat jy saamry om die wasgoed in te was, of vou ’n dubbele vel dik tinfoelie om sodat dit soos ’n koepel lyk.

       VARIASIE: Probeer dit ook met boerewors, in ringetjies gesny, en fetakaas; Weense worsies en sampioene; boeliebief en uie; olyf-tapenade of songedroogde tamaties?

      Jorsies

      Iets om die kinders mee besig te hou.

      Voorbereidingstyd 10 minute • Gaarmaaktyd 20 minute

       Genoeg vir 6 mense

      12 sosastiestokkies

      12 Weense worsies

      600 ml bruismeel

      5 ml (1 t) sout

      1 eier, geklits

      15 ml (1 e) kookolie

      400 ml water

      kookolie vir diepbraai

      Steek die sosatiestokkies in die lengte deur die worsies. Sif die meel en sout saam, en maak ’n holte in die middel daarvan. Voeg die eier, olie en water geleidelik by. Meng deeglik en voorkom dat daar klonte vorm. Verhit die olie in ’n swaarboompot. Bedek die worsies met die deeg en braai dit in die olie tot goudbruin. Dreineer op papierhanddoek en sit voor met tamatiesous.

      Franse roosterbrood

      Dis menige kind se gunsteling.

      Voorbereidingstyd 15 minute • Gaarmaaktyd 20 minute

       Genoeg vir 6 mense

      6 eiers

      2 ml (1/2 t) sout

      6 snye brood

      20 ml (4 t) botter

      16 repies spek

      esdoringstroop (maple syrup)

      Klits die eiers en sout saam. Week die snye brood daarin totdat dit behoorlik deur die eiermengsel geabsorbeer is. Verhit die botter in ’n pan en braai die brood daarin totdat dit СКАЧАТЬ