Al die lieflike dade. Charl-Pierre Naudé

Чтение книги онлайн.

СКАЧАТЬ onder haar kuif het sy woordloos ’n verdrag

      met my – ’n swak plek in die landsbolwerk – gesluit,

      een laatmiddag ná tennis toe sy laat weet het

      sy wil my iets in die SkeiNatkamer gaan wys.

      Daar, in ’n magsgreep van skoonste afmetinge,

      het sy skaam-glimlaggend maar doelgerig

      ’n stukkie kant deur haar oefenjurk se een mou getrek

      en haar skoolmeisiebra met die toegeswolle oë

      langs ons op die tafel neergesit om aan te hou asemhaal

      in ’n sylangse eksperiment – die aanloop

      tot groter kennisspronge – en haar hals vir my oopgetrek

      om vinnig te kan inkyk.

      Ek het al gehoor van dié gladde apies met die wakkerbly-oë

      wat styf teen ’n meisie se bolyf hou, ’n sysagte spesie ongelooflik

      gewild

      in die menslike sirkus, en immergereed vir die hoogste sport.

      Wat my bygebly het daarna was nié “Dis al” van Celliers nie.

      (Dit ook, en haar deemoed in die oomblik van heerskappy.)

      Miskien was ek verleë, want in my kop het dit bly zoem:

      Monteskee! Monteskee!

      soos apies wat skree,

      dae en weke en maande aaneen,

      uit die woude van Madagaskar, die Ama-tydsones

      van geel en groen politieke klimate,

      die vryheidskreet van die glansvelprimaat.

      En, o,

      daar is niks – gooi maar ín die handdoek! –

      wat daardie kennisdraende “Swazi’s”, die bourgeoisie,

      sal kan doen om dit te keer nie.

Septers van Janus

      Die onbekende ontmoeting

      – Alexandrië, Egipte

      Alexandrië –

      weeïge krygersnaam

      wat so vroulik klink,

      uit die hoefyster van oorlog

      en sout gesmee

      tot ’n flikkerende halssnoer

      van wandelende strate op stelte,

      ingediep in die modder

      van die geskiedenis –

      jou reikende arms pluk sterrestelsels

      uit die blink branders.

      Vir iemand

      wat jou beeltenis optrek

      uit die diep asemteug

      van see en vergetelheid

      terwyl voggordyne van jou wegval

      soos rinkhalsvelle,

      is jý, hier,

      Cleopatra.

      Vrou, ek ken nie

      eens jou taal nie, maar op daai trap

      in jou dwarreling van lap,

      klim jy soortgelyke

      sporte

      van die onbeteken-

      baarheid, as ek.

      Antieke Los Angeles

      van die versengde engele;

      gedroomde, uitgeweke Olimpos,

      dikwels mensliker as die oorspronklike;

      verbasterde Mediterreense Wene

      tot lieflikheid gesing deur die allerheiliges,

      die stilgemaakte “barbare” –

      dáár, die planetarium

      met sy uitspansel boeke,

      die juweel van herroeping:

      geverfde duifeier

      in die oogkas van die Oudheid.

      Bruin wieg

      van roosblaar en pêrel,

      is jý –

      Jy kyk terug, en ek

      vorentoe

      en in hierdie verskerwende

      hawe van vertrekke,

      waar verlore wêreldwonders

      en wasige toeverlate mekaar ontmoet,

      raak ons mekaar skaars

      aan

      in die twee skadu’s

      wat kruis.

      Конец ознакомительного фрагмента.

      Текст предоставлен ООО «ЛитРес».

      Прочитайте эту книгу целиком, купив полную легальную версию на ЛитРес.

      Безопасно оплатить книгу можно банковской картой Visa, MasterCard, Maestro, со счета мобильного телефона, с платежного терминала, в салоне МТС или Связной, через PayPal, WebMoney, Яндекс.Деньги, QIWI Кошелек, бонусными картами или другим удобным Вам способом.

/9j/4SyBRXhpZgAATU0AKgAAAAgABwESAAMAAAABAAEA СКАЧАТЬ