Шигырьләр / Стихи (на татарском языке). Габделджаббар Кандалый
Чтение книги онлайн.

Читать онлайн книгу Шигырьләр / Стихи (на татарском языке) - Габделджаббар Кандалый страница 26

СКАЧАТЬ йебе киселсә,

      Әгәр салкын йиле иссә,

      Ки дә әйтсен ушал дәмдә[563]:

      «Сыгынырмын сәңа, Алла!»

      Үз-үзеңә моны сүзлә,

      Ки дәрман дәрдеңә[564] эзлә,

      Китәр юлыңны сән эзлә, –

      Үзеңә тиң бирүр Алла.

      Өзелеп, егълайу калсын,

      Үзедик мәҗнүнне алсын,

      Малы-мөлке ута янсын –

      Котылдырсын берүк Алла!

      Сәүешмәклә кулын салмак,

      Ки ләбендән пусә кыйлмак[565],

      Аның нәхренә[566] кул салмак

      Ирүр, бел, ләззати алма[567].

      Ки галимдәй хәбәр килсә,

      Ата-анаң аңа вирсә,

      Мәһәрә[568] керәнләр салса, –

      Аны кабул әйләгел, җаный!

      Әгәр сән наданга варсаң,

      Барып таш бота керсәң,

      Мәхәббәтсез билә торсаң –

      Суган булыр сәңа алма!

      «Колак тотып ишет, җаный…»

      Колак тотып ишет, җаный,

      Идәем бер хикяйәти,

      Сәңа гашыйк улып тәкый, –

             Фида җаным сәңа, җаный!

      Яратыбдыр сәне ул Хакъ,

      Ки ак йакут кеби һәм ак,

      Йөзеңә салды күп рәүнәкъ[569], –

             Фида җаным сәңа, җаный!

      Йөзеңне әйләде гөлтик,

      Сачеңне игде сөнбелтик,

      Үзеңне итде былбылтик, –

             Фида җаным сәңа, җаный!

      Йөзең биңзәр[570] тулар айа,

      Күрәнләр хур диеп сайа[571],

      Сәңа биңзәшле кыз кайа? –

             Фида җаным сәңа, җаный!

      Йөзең биңзәр кызыл ләгълә[572],

      Йөзеңдән нурларың агъла,

      Күрәчәк күзләрем чагъла, –

             Фида җаным сәңа, җаный!

      Гаҗәб ләтыйф дорыр[573] җисмең,

      Мәгълүм дор[ыр] сәнең исмең,

      Йөрәгем бәгърене кисдең, –

             Фида җаным сәңа, җаный!

      Билең нечкә, нәзек дорыр,

      Буең зифа, төзек дорыр,

      Җиһан эчрә[574] аз ук дорыр, –

             Фида җаным сәңа, җаный!

      Билең нечкә, буең һәм төз,

      Төсең саф, гөл кеби йөз,

      Әгәр дисәң иде бер сүз, –

             Фида җаным сәңа, җаный!

      Матурлык исмене алдың,

      Хәлаикъ эчрә[575] дан алдың,

      Зөләйха урнына калдың, –

             Фида җаным сәңа, җаный!

      Сүзем язылды күп төрле,

      Тагы да әйтәем берне:

      Кабул итәрмүсән серне? –

             Фида җаным сәңа, җаный!

      Килермүсән бәңа үзең?

      Дәхи кашың, кара күзең,

      Бал-шикәрдин датлы сүзең, –

             Фида җаным сәңа, җаный!

      [Әгәр кал]сам сәне алмай,

      Ки куйныңа керә алмай,

      Ботыңны ботыма салмай, –

             Фида җаным сәңа, җаный!

      [Сә]лам яздым сәнең артын,

      Сәне сәүмәклекем сартын[576];

      Яңакларың кызыл алтын, –

             Фида җаным СКАЧАТЬ

<p>563</p>

Ки дә әйтсен ушал дәмдә – әйтсен ки шул чакта.

<p>564</p>

Дәрдеңә – чиреңә, кайгыңа.

<p>565</p>

Пусә кыйлмак – үпмәк, үбү.

<p>566</p>

Нәхренә – муенына.

<p>567</p>

Ләззати алма – алма ләззәтләре.

<p>568</p>

Мәһәрә – мәһәргә.

<p>569</p>

Рәүнәкъ – нур, яктылык; монда: гүзәллек.

<p>570</p>

Биңзәр – охшар.

<p>571</p>

Күрәнләр хур диеп сайа – күргәннәр хур дип исәпли (саный).

<p>572</p>

Ләгълә (ләгългә) – асыл ташка (алсу һәм кызыл төстәге ташка).

<p>573</p>

Ләтыйф дорыр – матурдыр, күркәмдер.

<p>574</p>

Җиһан эчрә – җиһан эчендә: җиһанда, дөньяда.

<p>575</p>

Хәлаикъ эчрә – халыклар эчендә, кешеләр арасында.

<p>576</p>

Сартын – өчен, хакына.