Uit die beek 2018. Barend Vos
Чтение книги онлайн.
Читать онлайн книгу Uit die beek 2018 - Barend Vos страница 22
Название: Uit die beek 2018
Автор: Barend Vos
Издательство: Ingram
Жанр: Религия: прочее
Серия: Uit die Beek
isbn: 9780796320346
isbn:
Ek kan nie sonder U nie, Here. Wys my gereeld die pad agter U aan, u spore, en maak my gewillig én opgewonde om dit te volg.
Saterdag 24 MAART 2018 Lees Johannes 12:27-33
Om julle ontwil
“Nou is Ek diep ontsteld” (v. 27).
In plaas van “ontsteld” kon Hy maar gesê het … “bang”. Onseker. Hartseer. Kon Hy gevra het: Wat wil Vader van My hê? Vra Vader steeds die hoogste offer van My?
Maar dan kom Hy in opstand teen hierdie beproewing en Hy sê: Maak soos U wil. Dit is hoekom Ek hier is. U het My gestuur om u Naam te verheerlik.
Dan kom daar ’n stem – was dit die donderweer? Dalk ’n engel? En Jesus sê: Julle het dit gehoor, julle het Hom gehoor. Ek sê vir julle: Dit was om julle ontwil.
En dit sou, agterna beskou, die diepste motief vir die Christusoffer word: Om julle ontwil. Alles, álles – juis ook daardie heilige hartseer, die onmenslike onsekerheid, die lyding en sterwe van die koringkorrel – sou “om julle ontwil” (v. 30) wees. Ter wille van ons.
Ook die uitwerping van die Bose, en daarmee saam alle ontsteltenis wat met hom, daardie bobaas van die onderwêreld, gepaardgaan. Om ons ontwil word hierdie ellendeling verpletter.
En ons? Ons wat aan die ontvangkant van hierdie ingryping is? Ons word opgeroep om dié beslissende oorwinning te vier, om getroos daaruit te leef. Om elke dag opnuut moed te skep oor ’n stem wat na ons toe gekom het. Oor die hoop wat vir ons opgevlam het. Oor die vrede wat op ons neergedaal het.
Oor ’n genade-offer, onbegryplik groot, wat om ons ontwil gebring is.
____________________
Vader, verheerlik u Naam ook in ons. Leer ons u wil. En maak ons ore oop om, al is ons bewerig en onseker, u stem vir ons lewe te kan hoor.
Sondag 25 MAART 2018 Lees Jesaja 50:4-9
Hý help my
Die Here my God het my geleer … (v. 4).
Uitdagend. Selfversekerd. Getroos.
Dit is maar drie van die moontlike woorde wat by lesers opkom wanneer hulle die skrywer se verduideliking lees oor wat die Here se rol in sy lewe en optrede is.
Uitdagend, ja, want soos ’n refrein loop dit deur hierdie stuk: Die Here my God het my geleer, Hý het my gehelp. En selfversekerd, ja – die leser kan bloot tel hoeveel keer “ek” en “my” in hierdie klompie verse voorkom.
Maar bowenal is hy ’n grondig getrooste mens, want die “ek” en “my” word gerelativeer deur “die Here my God”. Ek kán dit regkry, want die Here het my geleer. My rug is volledig gedek, want die Here help my.
Hoe bekend klink dit nie! Dit was mos Paulus wat later ook só gesê het. Onthou? “Ek is tot alles in staat deur Hom wat my krag gee” (Fil 4:13).
Ja, tot vandag is dit die strydlied van elke Christenstryder wat, soos die ou liedjie dit wil hê, “voorwaarts” wil gaan. Die stryd, en die oorwinning, behoort aan Hom. “Wie wil my aankla?” roep die skrywer uit. “Laat hom vorentoe kom” (v. 8).
Maar dit is veral ook die verloorders se trooslied. Hulle wat nie kan onthou wanneer laas hulle enigiets gewen of verower het, of selfs óf hulle al ooit voorwaarts gegaan het nie. Hulle wat weet hoe afhanklik hulle van God is (vgl. Matt 5:3); hulle wat gereeld roep: Help my, Here, ek sink! (vgl. Matt 14:30); dié wat dikwels bely: Ek glo, Here! Kom my ongeloof te hulp (vgl. Mark 9:24).
____________________
Dit is U wat my maak wat ek is. My onmag en twyfel, ook my selftwyfel, is nie vir U te veel nie.
Конец ознакомительного фрагмента.
Текст предоставлен ООО «ЛитРес».
Прочитайте эту книгу целиком, купив полную легальную версию на ЛитРес.
Безопасно оплатить книгу можно банковской картой Visa, MasterCard, Maestro, со счета мобильного телефона, с платежного терминала, в салоне МТС или Связной, через PayPal, WebMoney, Яндекс.Деньги, QIWI Кошелек, бонусными картами или другим удобным Вам способом.