Uit die Beek 2015. Attie van Wijk
Чтение книги онлайн.
Читать онлайн книгу Uit die Beek 2015 - Attie van Wijk страница 21
Название: Uit die Beek 2015
Автор: Attie van Wijk
Издательство: Ingram
Жанр: Религия: прочее
Серия: Uit die Beek
isbn: 9780796318121
isbn:
Ons hemelse Vader gee om vir sy kinders se ontwikkeling. Maar sy genadetyd gaan verby. Eendag is dit te laat. Mag God verhoed dat dit ook met ons sal gebeur.
GEBED: Here, ek wil u genadetyd reg gebruik.
Lees vanaand in 1 Samuel 16:1-13 hoe God vir Dawid as die volgende koning uitgewys en toegerus het.
Vrydag 20 Maart 2015 • Lees eers 1 Samuel 16:14-23
Geskikte musikant
Hy is ’n dapper man en ’n goeie vegter. Hy kan sy woord goed doen en het ’n goeie voorkoms. Die Here is by hom (16:18).
GESELSVRAAG:
Beskryf die ideale man.
“Sê nou ’n manswinkel het mans verkoop. Waarna sou jy kyk as jy vir jou ’n man sou gaan uitsoek?” het ek die meisies in die finalejaarkategese gevra. Hul antwoorde was nogal insiggewend, veral vir die seuns in die klas. Dit blyk dat wat meisies in ’n man soek, iets anders is as wat die seuns gedink het.
Toe Saul sy rug vir God draai, het die duiwel ’n houvas gekry. Dit het Saul in so ’n mate benadeel dat hy nie sy werk kon doen nie. Sy raadgewers se oplossing was om ’n musikant te huur, soos ons deesdae klassieke musiek van die internet kan aflaai wat ons help om te konsentreer as ons studeer. Van alle mense beveel hulle toe vir Dawid aan. So kon Dawid jare lank leer wat koningwees behels voordat hy self die troon sou bestyg.
Dit is interessant hoe Dawid by Saul aanbeveel word. Dit gaan nie net oor sy vaardigheid met die lier nie, maar ook dat hy dapper is en ’n goeie vegter. Hy was nie op sy mond geval nie en daarby aantreklik. Maar die belangrikste was dat die Here by hom was. Jong meisies kyk dikwels na die uiterlike voorkoms as hulle in ’n jongman belangstel. Maar die groot vraag is: Is die Here by hom? Sy musikale vermoë, fisieke krag en voorkoms is bysaak. Ook dat hy sy saak vlot kan stel. Mag die Here ons manne so maak.
GEBED: Here, maak ons manne manne van God.
Lees vanaand in 1 Samuel 17:1-11 hoe Israel teen ’n oorlogstenk op twee bene te staan kom.
Saterdag 21 Maart 2015 • Lees eers 1 Samuel 17:12-19
Menseregtedag
Toeskouers of deelnemers?
Saul en jou broers en die hele Israel is in die laagte by die groot boom aan die veg teen die Filistyne (17:19).
GESELSVRAAG:
Hoe word oorlog deesdae gevoer?
“Sielkundige oorlogvoering” het in ons tyd belangrik geword. As jy jou vyand moedeloos kan maak voordat die eerste skoot geskiet word, het jy die stryd gewen. Amerika het in Irak strokiesprente gestrooi wat wys hoe die Arabiere die stryd gaan verloor. Ongelukkig het die tekenaar vergeet dat Arabiere van regs na links lees, sodat die prentjies totaal onverstaanbaar was.
In Saul se tyd het oorlogmaak die plek van vandag se sport ingeneem. Die linies het dae lank teenoor mekaar beledigings gestaan en skreeu. Daar was weinig aksie. Isai kon dus vir Dawid presies beduie by watter boom hy die oorlog sou kry. Vir Dawid was dit ’n groot avontuur. Hy het graag padkos vir sy broers gaan wegbring, want dan kon hy sien wat aangaan. Hy het waarskynlik glad nie gedink dat hy by die stryd betrokke sou raak nie.
Vandag word talle byeenkomste oor menseregte gehou. Min van ons besef dat ons almal in hierdie stryd betrokke is. Dis vir ons ’n toeskouer-aangeleentheid, en vir die meeste is dit net nog ’n vakansiedag. Baie weet nie eens waaroor dit gaan nie. Miskien het die Here ’n werk vir jou om mense se regte in ons land te herstel. Is jy gewillig daarvoor?
GEBED: Wys my wat ek vandag vir U kan doen, Here.
Lees vanaand in 1 Samuel 17:20-30 hoe die onervare Dawid die gebeurtenisse aan die front belewe het.
Sondag 22 Maart 2015 •Lees eers Psalm 33:12-22
Aan wie behoort ons?
Dit gaan goed met die nasie wie se God die Here is, met die volk wat Hy vir Hom as sy eie gekies het (33:12).
GESELSVRAAG:
Watter verskil maak dit as ’n nasie kies om die Here te dien?
“Net minder as 80 persent van Suid-Afrika se mense beskou hulleself as Christene,” lees ek oor die uitslag van die laaste sensus wat nog vrae oor godsdiens gehad het. Is dit nie wonderlik nie? Ons is waarskynlik een van die Christelikste lande op aarde. Dit moet mos hemel op aarde wees om in so ’n land te woon. Tog het ons land van die hoogste moordsyfer ter wêreld, meer mense wat met die MI-virus moet saamleef as in enige ander land, meer korrupsie en misdaad as amper alle ander lande; ons vaar onder die swakstes wat onderwys en mediese dienste betref en daar is swak diensverskaffing in al hoe meer dorpe. Hoe kan dit wees?
Kan ons sê die sensus is verkeerd? Tog nie. Maar vandag sal seker minstens drie uit elke vier lidmate nie in die kerk wees nie. Ons sê graag die Here is aan ons kant. Maar is ons aan die Here se kant? Kan ons soos Dawid sê God is ons Here, ons is deel van God se uitverkore volk?
Miskien moet ons onsself ondersoek om vas te stel aan wie se kant ons is. Hoe gaan ons vandag deurbring: soos God se mense of soos ongelowiges? Wat behoort ons vandag te doen?
GEBED: Here Jesus, ons is skaam dat ons u Naam so vertrap omdat ons belydenis en lewe nie ooreenstem nie. Vergewe en verander ons.
Lees vanaand in Psalm 34:1-11 Dawid se reaksie op God se hulp in tye van lewensgevaar.
Конец ознакомительного фрагмента.
Текст предоставлен ООО «ЛитРес».
Прочитайте эту книгу целиком, купив полную легальную версию на ЛитРес.
Безопасно оплатить книгу можно банковской картой Visa, MasterCard, Maestro, со счета мобильного телефона, с платежного терминала, в салоне МТС или Связной, через PayPal, WebMoney, Яндекс.Деньги, QIWI Кошелек, бонусными картами или другим удобным Вам способом.