.

Чтение книги онлайн.

      Осмонга устун тилайму,

      Шоҳга адолатму тилай?

      Ошпичоққа қин тилайму,

      Қулга шафоатму тилай?

      Ҳовузга тилайму қопқоқ,

      Бойга мурувватму тилай?

      Кўрпага енг тилайму, ё

      Йўқсулга давлатму тилай?..

      Карвонсарой эмас,

      Қўналға эмас,

      Қизил майдон эмас

      Инсоннинг кўнгли.

      Босқинни бас қилинг,

      Топтамакни тўхтатинг энди;

      Ўзбекистон эмас

      Инсоннинг кўнгли.

      Бир қадим

      қалъанинг деворларинда

      қон кўрдим:

      ҳар ғишт қон!

      ҳар қадам қон!!!

      Токчаларга қўнган ғуборларинда

      қонталаш замонга

      жонталаш исён!

      Кўзларимни юмдим:

      Ёлғонми дедим.

      Гувоҳга айланди

      ҳар ғишт,

      ҳар қадам…

      Бир аччиқ ҳақиқат тиғлади дилим:

      Ҳақиқат ўлмайди!

      ўлади одам.

      Кўксимни

      захга бериб

      кўкардим мен,

      минг бир дардни бир ўзим

      кўтардим мен.

      Хос жом топсам дардимни

      тўкардим мен,

      Сўнг бемалол дунёдан

      ўтардим мен.

      Биродар, жиддийроқ боққил кечмишга,

      Айрим тугунлар бор, зордир ечмишга.

      Беш юзу етмишга аруз султони,

      Бармоқ байроқдори чиқди етмишга.

      Мендан лозиммиди шул муқояса,

      Тилим лол, дудоқдан дуолар тошар.

      Султон олти юздан, Худо хоҳласа,

      Байроқдор оғамиз юзлардан ошар.

      Қутловлар қоришиқ тилакларим мўл,

      Кўзда ёш, қай бирин тутай қўлини?!

      Кимки, қалам тутса, киприкларим ҳўл:

      Ул икки улуғнинг берсин йўлини!

      Гарчи, ёшларинда беш асрлик фарқ,

      Ватан шон-шуҳратин сақлагай эрлар.

      Юртим осмонида ураверсин барқ –

      Абдулла Орифлар, Мир Алишерлар!!!

      Олтмиш СКАЧАТЬ