Capbreu de la Confraria d'Òrfenes a Maridar de València (segles XIV-XVII). AAVV

Чтение книги онлайн.

СКАЧАТЬ dupte venir no pusquen a perdurable memòria, fem aquells metre en forma pública per lo notari dejús scrit.²⁹¹

      Quod est actum Valencie, IX kalendas madii, anno Domini millessimo CCº nonagesimo tercio.

      [INDULGÈNCIES CONCEDIDES PER L’ARQUEBISBE DE TARRAGONA]

      Rodericus,²⁹² permissione divina sancte Tarraconensis ecclesie archiepiscopus, universis christifidelibus per tarrachonensem civitatem et diocesi ac provinciam constitutis ad quos presentes pervenerint.²⁹³ Salutem et bonis operibus habundare. Cum ab adolescencia prona sit vita hominis ad peccandum diversis inquinamentis obnoxia viciorum, paravit nobis nostri clemencia creatoris diversa opera caritatis, per que nostros possemus delere reatus, et ad vitam eternam gloriosis pervenire. Hinc est igitur quod universitati vestri fieri volumus manifestum, quod quedam ordinacio est facta per aliquos cives Valencie super quibusdam piis causis et elemosinis statuendis, adquirendis et distribuendis ad honorem omnipotentis Dei et gloriose Virginis matris eius adque procuranda et ordinanda debent elegi decem consocii de eisdem quorumquilibet debet ponere et solvere de suo ||^24v proprio ad incipiendum et tenendum dictas elemosinas statuendas, certas peccunie quantitates, de quibus emi debent redditus perpetui ad opus ipsius elemosine convertendi, ex quibus quidem redditibus dicti cives ordinaverunt viduis pauperibus et virginibus pauperibus maritandis et orphanis et aliis indigentibus provideri. Verum cum dicti cives intendant dictam elemosinam mediantibus christifidelium elemosinis aucmentare devocionem vestram, rogamus in Domino et hortamus vobis nichilominus in remissionem vestrorum peccaminum quatenus de bonis adeo vobis collatis pias elemosinas et grata caritatis subsidia dictis civibus vel per quos substitutis vel substituendis per exhiborem presencium transmitatis, ut bonorum que ex tam sancta et laudabili ordinacione pervenerint effici mereamini feliciter pervenire. Nos vero de Domini nostri Iesuchristi misericordia et gloriosissime Virginis Marie matris eius ac beatissime Tecle virginis et nostris ipsius meritis confidentes omnibus vere penitentibus et confessis, qui ad predicta suis duxerint elemosinas transmitendas, quadraginta dies de iniuncta sibi legitime penitentia. Per gratiam Sancti Spiritus misericorditer relaxamus indulgencias insuper aliorum prelatorum nostre provincie dictis vicibus concessas vel concedendas quantum nostre dignitati congruit confirmamus. Salvo in omnibus et per omnia honore et reverencia sacrosancte Romane Ecclesie domine et matris eius.

      Datum Tarrachone, idus aprilis, anno Domini millesimo CCº XC tercio.

      [INDULGÈNCIES CONCEDIDES PEL BISBE DE BARCELONA]

      Frater Bernardus,²⁹⁴ miseracione divina Barchinonensis episcopus, universis ad quos presentes litere pervenerint. Salutem et bonis operibus habundare.²⁹⁵ Cum ab adolescentia prona sit vita hominis ad peccandum diversis inquinamentis obnoxia viciorum, paravit nobis nostri clemencia creatoris diversa opera caritatis, per que nostros possemus delere reatus, et ad vitam eternam||^25r gloriosus pervenire. Hinc est igitur quod universitati vestre fieri volumus manifestum quod quedam ordinationem factam per aliquos cives Valencie super quibusdam piis causis et elemosinis statuendis, adquirendis et distribuendis ad honorem onmipotentis Dei et gloriose Virginis matris eius adque procuranda et ordinanda debent elegi decem consocii de eisdem quorum quibuslibet debent ponere et solvere de suo proprio ad incipiendum et tenendum dictas elemosinas statuendas certas peccunie quantitates, de quibus emi debent redditus perpetui ad opus ipsius elemosine convertendi, ex quibusquidem redditibus dicti cives ordinaverint viduis pauperibus et virginibus pauperibus maritandis et orphanis et alii indigentibus provideri, quod quedam ordinacio est per dominum regem Iacobum confirmata et sigillo suo plumbeo sigillata quamque fide prospeximus oculata verum cum dictis cives intendant dictam elemosinam mediantibus christifidelibus elemosinis aucmentare universitatem vestram, rogamus in Domino et monemus in remissionem vestrorum peccaminum iniungentes quatenus bonis adeo vobis collatis pias elemosinas et alia grata caritatis subsidia dictis civibus per latorem presencium transmitatis vel bonorum que ex tam sancta et laudabili ordinacione pervenerit effici mereamini participes et consortes et ad eterna gaudia effici mereamini feliciter pervenire. Nos vero de omnipotentis Dei misericordia et beate Eulalie, virginis et matris, meritis confidentes omnibus vero penitentibus et confessis qui ad predicta suas dederint elemosinas XLª dies de iniuncta sibi legitime penitencia per gratiam Sancti Spiritus misericorditer relaxamus.

      Datum Barchinone IIIIº idus aprilis, anno Domini millesimo CCº XC tercio.

      [INDULGÈNCIES CONCEDIDES PEL BISBE DE TORTOSA]

      Arnaldus,²⁹⁶ divina miseracione Dartusensis episcopus, universis in Christo fidelibus ad quos presentes littere²⁹⁷ pervene-||^25vrint. Salutem et bonis operibus habundare. Cum ab adolescencia prona sit vita hominis ad peccandum diversis inquinamentis obnoxia viciorum, paravit nobis nostri clemencia salvatoris diversa opera caritatis, per que nostros possemus delere reatus, et ad vitam eternam gloriosus pervenire huic habet igitur quod universitati vestre fieri volumus, quod quedam ordinacio est facta per aliquos cives Valencie, super quibusdam piis causis et elemosinis statuendis, adquirendis et distribuendis ad honorem omnipotentis Dei et gloriose Virginis matris eius adque procuranda et ordinanda debent elegi X consocii de eisdem quorumquilibet debent ponere et solvere de suo proprio ad incipiendum et tenendum dictas elemosinas statuendas certas peccunie cantitates, de quibus emi debent redditus perpetui ad opus ipsius elemosine convertendi ex quibusquidem redditibus dicti cives ordinaverunt viduis pauperibus et virginibus pauperibus maritandis et orphanis et aliis indigentibus provideri. Verum cum dicti cives intendant dictam elemosinam mediantibus christifidelium elemosinis aucmentare universitatem vestram, rogamus in Domino et monemus in remisionem vestrorum peccaminum iniungentes quatenus de bonis adeo vobis collatis pias elemosinas et alia grata caritatis subsidia dictis civibus per latorem presencium transmitatis ut bonorum que ex tam sancta et laudabili ordinacione provenerit effici mereamini participes et consortes per hec et alia bona que Domino inspirante feceritis ad eterna gaudia valeatis feliciter pervenire. Nos vere de omnipotentis Dei misericordia confidentes omnibus vere penitentibus et confessis qui ad predictas suas dederint elemosinas quadraginta dies de iniuncta sibi legitime penitencia per graciam Sancti Spiritus misericorditer relaxamus.

      Datum in Albalato, quintodecimo kalendas madii, anno Domini||^26r millesimo CCº XCº tercio.

      [INDULGÈNCIES CONCEDIDES PEL BISBE DE VALÈNCIA]

      Raymundus,²⁹⁸ miseracione divina Valentinus episcopus, universis²⁹⁹ christifidelibus per valentinam civitatem et diocesi constitutis ad quos presentes pervenerint littere. Salutem et bonis operibus habundare. Cum prona sit vita hominis ad peccandum diversorum peccatorum inquinamentis obnoxia [viciorum], paravit nobis nostri clemencia creatoris diversa virtutum opera que nostros possemus delere reatus, et ad vitam eternam gloriosus pervenire. Cum igitur quidam devoti viri civitatis Valencie devocioni ducti fecerint quandam ordinacionem Deo gratam et hominibus graciosam videlicet quodquilibet eorum possint certam quantitatem peccunie, de qua emantur redditus ex quibus possint puelle pauperes maritari et earum paupertatibus subveniri verum ut predictum opus tam piissimum augeatur et ut ad largiendum in hiis facilius et graciosius invenirentur. Nos de Iesu Christi misericordia confidentes omnibus vere penitentibus et confessis, qui predictas suas elemosinas dederint seu transmiserint per presencium portitorern XLª dies de iniunctis sibi legitime penitenciis per gratiam Sancti Spiritus misericorditer relaxamus, indulgencias nichilominus aliorum prelatorum Terrachone provincie predictis concessas in nostra diocesi quantum nostre dignitati congruit confirmamus.

      Datum Barchinone XIIº kalendas marcii, anno Domini millesimo CCº XCº quarto.

      E PER SABER Q[U]IN[S] FOREN LOS P[R]INERS AMICÇADÓS DE LA DITA ALMOYNA

      En Ramon de Fabarzà.³⁰⁰

СКАЧАТЬ