Пьесалар / Пьесы. Карим Тинчурин

Чтение книги онлайн.

      Тәңре.

      Гали әмере.

      «Көн фәякүн» уены белән уйнап шашкан,

      Хәлдән тайган, карт фокусчы!..

      Мәлгунь!

      Кайда соң ул?

      Ламәкәндә!

      Ламәкәндә?!

      Әйе, анда…

      Юк ул анда!..

      Мәлгунь!..

      Фокусчының ихтыярын менә болар,

      Менә болар корал итеп алганнан соң,

      Ламәкәндә юкка чыкты. Ул юк хәзер.

      Ул бар! Ул көчле!

      Юк, юк миңа синнән башка Тәңре, Илаһ!..

      Зур, зур гөнаһ…

      Ирекле йөрәк яшәгәндә, юк ул гөнаһ!

      Юк ул гөнаһ, йөрәкләрдә якты нурлар

      Дулкынланып оча-оча уйнаганда.

      Мәхәббәтнең көчле уты янган чакта,

      Гасый канун, рия, гөнаһ юкка чыга!..

      Канун, гөнаһ нәрсә соң ул?

      Саф вөҗданга киертелгән нәләт богау.

      Җан иясен турылыкка өндәүче юл.

      Күңелләрдә яктылыкны сүндерүче,

      Караңгылык тудыручы зур афәт ул.

      Син гөнаһкярга хәят бирүче изге гаршендә,

      Ләүхелмәхфүздә кара утлардан тәкъдирең яза.

      Вакыт үтмәгән: ваз кич болардан!

      Менә ул, менә хәят бирүчем, минем илаһым!..

      Минем илаһым, дәртле илаһым, күрекле илаһым!

      Менә карагыз, аның алдында сәҗдә кыламын.

      (Тезләнә.)

      Шул сулыштан бу оҗмахлар хәрәм сезгә,

      Мәңгелеккә Тәңре сөрде сезне җиргә.

      Без курыкмыйбыз ачу иткән утлы көчтән,

      Без курыкмыйбыз ләүхелмәхфүз язуыннан.

      Бездә гакыл, бездә ирек, алда хәят.

      Хур, мөстәбид җәлладларга нәләт, нәләт!..

      Хур, мөстәбид җәлладларга нәләт, нәләт!..