.

Чтение книги онлайн.

СКАЧАТЬ I was just grieved for the poor beast. At length down there comes a wheel-horned ram, the king o' the flock, an' he taks up his station by the side o' the bonny thing, an' than a' the young ranigalds slinkit away as their noses had been blooding. Then the bonny she thing got peace, for whenever ony o' the rascallions began to jee up his lug, an' draw near her, ae glent o' the auld fellow's ee stoppit him short. Now, Yardbire, I trow it is a shame to see a pretty maid jaumphed an' jur-mummled in that gate: if you will just ride close up to the tae side o' her, I'll tak up the tither, an' we'll gar them keep a due distance. There's nane o' them dares shoulder you aside."

      "I doubt, laird, there is something selfish in that plan o' yours," said Charlie; "ye hae a hankering yonder yourself, but ye darena try to make your ain way without ye get me to back ye. Fight dog, fight bane, Peatstacknowe; gin I be to tulzie for a bonny may, I tulzie for my ain hand."

      "It wad be sae weel done to chap them back," said Jordan: "See to the metre poet how he's capering an' turning up his mou': Yon fat hypocrite, the warlock friar, is blinking out frae aneath his sanctified ee-brees like a Barbary ape: An' there's the deil's Tam; od I think he'll hae his lang coulter nose stappit into her lug."

      "Ride up, neighbour," quoth Charlie, "an' tell them that face to face. I like nae yethering ahint backs. Ane may ward a blow at the breast, but a prod at the back's no fair. A man wears neither ee nor armour there. Ride up, ride up, neighbour, gin you winna tell them a' you have said, I'll e'en tell them mysel."

      "Yardbire, I hope ye're no gaen gyte, to breed despite amang the warden's ambassadors to the deil. Stop till I tell you a queer joke that's come into my mind by your speaking about armour ahint. Last year, when the dalesmen were cried out in sic a hurry for the Durham raide, there was ane o' Fairniehirst's troopers got strong breastplates o' steel made to defend his heart. There was ane Brogg Paterson in Hawick, a wag that I kenned weel, was employed to fit the harnessing to the clothes; and learning that the raide was to be early in the morning, an' nae leisure for shifting, an' seeing the trooper so intent on protecting his heart, instead o' putting the steel plates in the inside o' his doublet, Paterson fastened them in the seat of his trews. After passing the Tine, the Scots encamped within a half moon of an impervious brake, and sent out a party of foragers, among whom was this trooper Turnbull. The party were pursued by a body of English horse, and several of them slain; but Turnbull reaching the brake, plunged into it, horse and man. The horse stuck fast, and just as poor Turnbull was trying to extricate himself, by scrambling over the horse's head, an Englishman came riding fiercely up, and struck him such a blow with his lance behind as would have spitted him to the neck—but hitting right on the steel plate, he made him fly heels-o'er-head over the brake, and into a place of safety. A comrade perceiving, came to assist him, and found Turnbull lying on the ground, repeating to himself these words with the utmost devotion:—"God bless Brogg Paterson in Hawick! God bless Brogg Paterson in Hawick!" "Wherefore that?" said the other. "Because," said Turnbull, "he kend better where my heart lay than I did."

      Charlie laughed so heartily at this jocular tale, that he did not expose Gibby Jordan of the Peatstacknowe to his associates at that time; but keeping behind with him he held him in conversation, though he saw that his teeth were watering to be near the fair Delany.

      They came that night to a place called Trows, on the English side of the border, but adjoining to the very ridge of the fells. The name of the hind who sojourned there was Jock Robson. He had a good stock both of cows and sheep, being so thoroughly a neutral man that both sides spared him, and both sides trusted him. He gave a night's grass to the driven cattle and sheep from each side, and a night's lodging to the drivers; and for this he exacted kane sheep, or a small cow, which none ever grudged him, because they found themselves so much at home in his house. He would assist either party in catching a prey, and either party in recovering it again, taking rewards from both; and, though both the English and the Scots knew of this, they never trusted him the less, for they knew that what he undertook he would fulfil, but no farther; out of your sight, out of your pay and out of your service with Jock Robson.

      At this yeoman's habitation our notable embassy arrived at a late hour, for, though scarcely five o'clock afternoon, it was pitch dark. They called at the door, and out came Jock with a light. The first man that he beheld was the friar.

      "Saint Mary's jerkin be about us!" cried Jock Robson, half in sport, half in earnest, "and defend us from our auld black minny's delegates. What seeks Lucky Church amang the hills o' Cheviot, wi' her creeds an' her croons, her trumpery, an' her lang tythes o' sheep an' kye, wild deer, and weathershaker, barndoor an' blackhag fowls? Nought for Minny Church an' her bike here, Sir Monk—naething o' our ain breeding—a' comers an' gangers, like John Nisbet's fat sheep. Howsomever, honest bedesman, I speir ye the auld question,

      "Come ye as friend, or come ye as fae?

       For sic as ye bring, sic sal ye hae!"

      "As thy friends do we come, uncourteous hind," said the monk; "and ask only a little of thy bread, and thy strong drink, for the refreshment of our bodies, that are like the grass on the tops of thy mountains, fading ere it be full grown, and require as thou knowest a supply of earthly refreshment as these do the showers of heaven; and also we ask of thee beds whereon we may lie down and rest: and these things thou must not refuse, for we would not that thou shouldst be to us as the children of Amalek and Moab, and those of Mount Seir."

      "Ye speak like a rational man, Sir Monk; but wait till I tell ye the truth, that I lurde see the cross on the handle of sword or spear ony time afore that hanging at the paunch of priest. There's mair honour an' generosity ahint the tane than the tither. But yet it shall never be said o' John Robson o' the Trows that he refused a friend quarters on a dark night. He kens ower weel that the king may come in the beggar's way. Gin ye be joking, he can stand a joke wi' ony man; but gin ye be really gaun to hand him as an Amalekite, he wad like to ken what that is, an' what lengths ye mean to gang."

      "Thinkest thou that we will come into thy house to take of thy spoil for a prey, and thy maid servants for bond-women, and also thy little ones?" said the friar.

      "The deil be there then," cried Jock Robson. "I wadna grudge ye meal an' maut, but or ye lay a hand on ane o' my lasses, or kidnap away my bits o' bairnies frae me, ye sal gang ower my breast, an' that wi' a braid arrow through ilk ane o' you. Be at your shift, bauld priest, here's for ye."

      On saying so, he turned hastily about, and the friar that moment clapping the spurs to his mule, gallopped round the corner, leaving the rest to make good their quarters in the best way they could. The mention of the broad arrow made him think it was high time for him to change his ground.

      "There rides gospel, guts an' a'," cried Tam Craik, laughing aloud.

      The laugh was well known to Robson; for the warden's troopers had been so often there that year, that almost all of them were John Robson's personal acquaintances.

      "What?" cried he, turning back his head, "Isna that the deil's Tam that I hear?"

      "Ay, what for shoudna it, lad? an' how dare ye fright away our chaplain wi' your bows an' your braid arrows? Gin we had Jock's Marion, the sow-killer's wife o' Jeddart, at ye, wha wad be crousest then, trow ye?"

      "Tam, it is weel kend your tongue is nae scandal; but dinna ye lippen ower muckle to your privilege; gin ye be come to quarter wi' me, dinna let me hear sic a hard jibe as that the night again. Come away, however, the warden's men are welcome, as weel they may be this year. Mony a fat mart they hae left i' my hire. I hope ye hae brought a bonny kane the night."

      "Ay, by my certie, lad, an' that we hae; here's nae less a kane than Jock's Marion hersel."

      "Ye scawed like bog-stalker! skrinkit, skraeshankit skebeld! dare ye to speak that gate to me at my ain door stane? I shall lend you a clout an ye were the СКАЧАТЬ