Энциклопедия юридическая в 15 томах. Том 12 (С–Т). Рудольф Левонович Хачатуров

Чтение книги онлайн.

СКАЧАТЬ style="font-size:15px;">      Тако же бы детей крестили и свадьбы венчали и воду святили в навечерии Богоявления и на иердани на Богоявление и на происхождение честного креста во всем священническом сану сполна. И вечерни бы и понахиды и навечерницы и полуношницы и заутрени и молебны пели по всем святым церквам в патрахелях да в ризах по обычают кроме монастырского чину, зане же в монастырех свой чин. А без риз бы да без патрахели ни начинали ни пели по священным правилом, якоже глаголет 16 правило святых отец и 17 правило Иванна милостивого в поучение попом.

      ПРАВИЛО 16. ИЕРЕОМ, ИЖЕ НЕ ОБЛАЧАЮТСЯ ВО СВЯЩЕННЫЯ РИЗЫ ЛИ НЕРАЗУМИЕМ. ЛИ ГОРДОСТИЮ, ЛИ ЛЕНОСТИЮ. ГЛАВА 15

      Стихарь есть правда, а фелонь есть истина. И прииде правда с небеси и облечеся во истину. Слово божие облечеся в плоть и неразлучно пребывает. Ты же, брате, изволив сан иерейский, не разлучай стихаря с фелонем, аки Христа во двою естеству. Слыши, господа рекша учеником, шедше научите вся языки крестяще я во имя Отца и Сына и святого Духа, учаще я блюсти вся елика заповедах вам. И паки рече: «Тако есть нам лепо исполнити всяку правду, виждъ, како ти рече, блюсти все и исполнити». Павел рече: «Облецетеся во всеоружие божие, яко воин божий». И Давыд рече: «Иереи твои облекутся в правду». И во отец твоих место быша сынове твои и поставиши я князя по всей земли, во авраамовы чади место постави апостолы, во апостол место святыя отцы, архиепископы, иереи.

      ПРАВИЛО 17. СВЯТАГО ИВАННА МИЛОСТИВАГО В ПОУЧЕНИЕ ПОПОМ. ГЛАВА 16

      Некоторый иерей от церкви Иванна милостиваго нача служити вечерню без стихаря. И видев Иван Милостивый и повеле изгнати его и иному иерею повеле совершити вечернюю службу. И неколико днии пробы не служа. И призва его архиепископ и рече ему: «Чадо, ведением ли сице сотвори или не ведая ли леностию или величаяся». И рече поп: «Владыко, неведением се сотворих». И рече ему Иванн: «Аще бы ведая се сотворил ecи или величаяся или леностию, то отнюдь бы тя извергл из поповства, но да простит бог тебя, и служи, яко иерей Христов вскладывай фелонь на вечернях и на заутренях и кресты носи, како соблазнился ecи отлагаеши начало иерейству, поставлен ecи первое дьяконом во стихарь и потом фелонь возложен. Како главы не храниши, а поконец ног ся держиши. Начало иерейству отвергл дьяконство и всего причта священническаго еже о Христе, и раздираеши ризу от ризы, яко не первии ли злодеи ризу раздраша жидовстии воини, разделиша стихарь господень. Слыши господа глаголюща: «Аз есмъ начало и конец». И паки рече, пытайте писания, яко в тех имате обрести жизнь вечную. И тый суть о мне послу шест вующе». И рече поп: «Владыко, видех большия попы тако творяща». И рече Иванн: «И яз видех, яко вы творите богатыя и величавыя попы, большими иже у бога хуждъшии суть. А хуждьшия в веце сем и работая господеви со страхом в будущем веце вышше будут. И слыши господа глаголюша: «Не приидох, да ми послужат, но да послужу. И кто в вас хотяй быти болии в царствии небесном СКАЧАТЬ