Атама. Жан-дүйнө кайрыктары. Мирлан Бакытович Калдыбаев

Чтение книги онлайн.

      Кечиргин сулуу кызым,

      Үмүттү актай албайм.

      Кедейдин тун уулумун.

      Бай-манап боло албайм.

      Жакырда жашаймын.

      Бакытты кура албайм.

      Колумда байлык жок.

      Бактылуу кыла албайм.

      Элде бар байлык менде жок.

      Элдеги машина менде жок.

      Кабат-кабат заңгыраган.

      Тоготпогон байлык менде жок.

      Ата-энең бербейт макулдук.

      Себеби менде байлык жок.

      Канчалык иштеп тытынсам да,

      Оокат-аш кийим-кече артык жок.

      Өзүңө үйлөнсөм дейм.

      А бирок колдон келбейт.

      Себеби ата-энең каршы,

      Кедейге кызын бербейт.

      Кудайга жалынамын.

      Байлык эмес бакыт сурап.

      Болсом дейм мен бактылуу,

      Аллахым балким угуп турат.

      Эске тут ырларымды кыргыз журтум.

      Урпака калсын менин улуктугум.

      Акын болчу- айтып жүрсө ушул жетээр.

      Эстеп ал ырларымды асыл журтум.

      Өтсө өтөөрмүн ырым калсын артымда,

      Акын эле-деп кеп калсынчы калкымда.

      Мындан артык кереги жок пайданын.

      Улуу кенчим ырым болсун артымда.

      Жар салбайм акынмын деп ааламга,

      Ыр жазам укмуш жазам-деп жана да.

      Сын коёр өтсөм эгер элим журтум,

      Мактанбайм акынмын деп жар сала.

      Ооруу чырмайт сууручудай жанымды,

      Эми кантем ача албадым багымды.

      Мен өкүнбөйм таарынбаймын тагдырга,

      Ырым калсын берем макул жанымды.

      Ажал келет жашы менен каарыга,

      Кучу жетпей даба таппай дагы да.

      Бир тууганың сүйгөнүңдү сыздатып.

      Ажал алат алып кетет кабырга.