Соргу көтөҕүүтэ. Павел Харитонов-Ойуку

Чтение книги онлайн.

      Сарсыардаттан эрдэлээн

      Сатыы, аттаах хомунна.

      Эргилиннэ сыл күүппүт

      Кылыһахтаах сайыммыт.

      Торҕо солко уот кустук

      Мырааннары курдаата.

      Оһуор-симэх, ойуу-бичик

      Күөрэгэйдиин ылласта.

      Айааннардаах үрэхтэрэ

      Арылыйа сүүрдүлэр.

      Таҥара түһэн сатыылыыр

      Хочолоро өҥсүйдүлэр.

      Орто дойду уһуктан

      Олоҥхолуур, үҥкүүлүүр.

      Тойон ууһа манна мустан

      Түһүлгэлээн ыһыахтыыр.

      Сахаада үрдүнэн сатараан

      Саргылаах оһуохай тарҕанар.

      Хоһуллар ол онно аан бастаан

      Халыҥ уус холбоһук туһунан.

      Хос ырыата:

      Албан аат, Хаҥалас, эйиэхэ!

      Аатырбыт Тыгыммыт – биһиэнэ!

      Хаһан да ханыылас, халыҥаа

      Хаҥалас аймаҕа барыта!

      Кэккэлээ, хаан-уруу Үс Бүлүү,

      Кэбээйи, Нам, Таатта, Халыма,

      Сахаада туһа диэн, туруоҕуҥ,

      Сомоҕо биир ньыгыл буолуоҕуҥ!

      Хос ырыата.

      Хотойдор көтөллөр үрдүккэ

      Хаҥалас кэккэтин хаҥата,

      Ыраах да, чугас да буолуоҕуҥ,

      Бу ырыа тылларын ыллыаҕыҥ!

      Хос ырыата.

      Өлүөнэҕэ олорор

      Өрүү дьикти мин санаабар.

      Өлбөт мөҥү уутугар

      Өксөйөбүн үллэр сааспар.

      Үрдүк чымаан очуостарга

      Мин күннэтэ ыттарым.

      Онно хаалбыт номохторго

      Истибиппин буларым.

      Килбиэн, чымаан очуостар

      Кистэлэҥи саһыарбыттар.

      Кынаттаах саһарҕалар

      Кинилэри кууспуттар.

      Манна таас кыыс таас уоллуун

      Ыйдаҥаҕа сипсиһэллэр.

      Буурҕа, куйаас да буоллун,

      Умнуспакка көрсүһэллэр.

      Тахсар күнүм таманыгар

      Тапталларын этэллэр.

      Киирэр күнүм килбиэнигэр

      Килбигийэ кэпсэтэллэр.

      Ол уоллаах кыыс таптала

      Очуос тааска суоруллубут.

      Өлбөт өрөгөй махтала

      Үйэлэргэ чочуллубут.

      Халыҥ хаары хаһаннар,

      Хаамар СКАЧАТЬ