Юрагимда ёнган орзулар. Сулаймон Хайдаров

Чтение книги онлайн.

      Қалбимга сиз сочдингиз зиё,

      Сизла менга ширин бу дунё.

      Ҳар қатрангиз денгиз ё дарё,

      Юрагимда ёнган орзулар.

      Олис йўллар юрганимда жим,

      Равшан бўлинг.асло бўлманг тим.

      Кўнглим тўлиқ.сизла эмас ним,

      Юрагимда ёнган орзулар.

      Сизла тотли ташвишли олам,

      Ҳаёт уммон.қалбим пиёлам.

      Жисмим баҳор,сиз унда лолам,

      Юрагимда ёнган орзулар.

      Гўзалликнинг гирёнаси сиз,

      Қалб ёнида парвонаси сиз,

      Ижодимнинг дурдонаси сиз,

      Юрагимда ёнган орзулар.

      Менга бўлинг туну-кун сабот,

      Орзуларла яшарман озод,

      Сиз бор менга қайғу,алам ёт,

      Юрагимда ёнган орзулар.

      Тинмайин оқмоқда,шошқин дарёлар,

      Ўзанин писандсиз ютиб бузгудай.

      Шундайин ўтмоқда умр,савдолар,

      Рўҳингиз воқифдир,мангу кўзгудай.

      Шода марваридлар бўлар кўз ёшим,

      Вафосиз дунёнинг жабру коридан.

      Шитоб айлар мисли танҳо сирдошим,

      Юрак бу дунёни қайта тузгудай.

      Норизо талпингай сабру бардошим,

      Тақдир карвонидан чопиб ўзгудай.

      Ҳисларим жам бўлур гоҳида тошиб,

      Бевафо оламни топтаб бузгудай.

      Бу тақдир карвони ўтди шошилиб,

      Қўналғасин мисли,тунда йўқотган.

      Шу карвон ичра сиз кетиб бир кунда,

      Қалбим титратдингиз жондан узгудай.

      Сизни ёд этмасам зулмат бу дунё,

      Ҳаёт йўлимдадир не-не ғавғолар.

      Сизни ёд этурман ҳар кун, ҳар тонгда,

      Руҳингиз чин воқиф мангу кўзгудай.

      Қалдирғочлар чуғурлашиб,

      Қўшиқ куйлар наҳордан.

      Майсаларга шабнам қўниб,

      Хабар берар баҳордан.

      Қалбга берур шодлик.севинч,

      Булбулларнинг нидоси.

      Чунки меҳмон юртим аро,

      Тўрт фаслнинг навоси.

      Серсаховат Она қуёш,

      Ювса тоғлар сочини.

      Яшил либос макон этмиш,

      Бу заминнинг бошини.

      Биёбонлар,чаманзорлар,

      Ял-ял ёнар ранг-о-ранг.