100 спасительных молитв. А. А. Евстигнеев

Чтение книги онлайн.

      Молитва ко святым бессребренникам Киру и Иоанну

      К вам, святии безсребреницы и чудотворцы Кире и Иоанне, яко к скорым помощником и теплым молитвенником о спасении нашем, мы недостойнии, преклоньше колена, прибегаем и, припадающе, усердно вопием: не презрите моления нас грешных, немощных, во многая беззакония впадших и по вся дни и часы согрешающих. Умолите Господа, да пробавит нам, недостойным рабом Своим, великия и богатыя Своя милости; избавите нас от всякия скорби и болезни, вы бо прияли есте от Господа и Спаса нашего Иисуса Христа неоскудную благодать исцелений, ради твердыя веры, безмезднаго врачевания и мученическия кончины вашея. Паки, припадающе, прилежно молим: испросите нам от Господа вся благополезная яже в животе нашем временнем, наипаче же ко спасению вечному належащая, да сподобимся молитвами вашими улучити кончину христианскую, безболезненну, непостыдну, мирну, и да избавимся от козней диавольских и вечныя муки, безконечнаго же и блаженнаго Царствия Небеснаго наследницы будем. Ей, угодницы Божий, не престайте молящеся за ны, с верою к вам притекающия; аще бо по множеству грехов наших и несмы достойни милосердия вашего, обаче вы, вернии подражателие человеколюбия Божия суще, сотворите, да принесем плоды, достойны покаяния, и в вечный покой достигнем, хваляще и благословяще дивнаго во святых Своих Господа и Бога и Спаса нашего Иисуса Христа, и Пречистую Матерь Его, и ваше теплое заступление, всегда, ныне и присно и во веки веков. Аминь.

      Святой мученик Трифон

      Память 14 (1) февраля. Молитвы к святому помогают избавиться от сильных неврозов и депрессии.