.

Чтение книги онлайн.

СКАЧАТЬ ook sy liefde vir jou persoonlik bewys. Wanneer jy swaar kry, mag jy aan hierdie liefde vashou.

      Daar is saadjies ín ons pyn – saadjies wat mettertyd begin groei en ’n ryk oes oplewer, skryf Jane Grayson in die boek Stemme van geloof (vry vertaal). In plaas daarvan dat ons, wanneer ons ly, tyd mors deur na redes vir die lyding te soek, behoort ons eerder te soek na die oes wat die lyding uiteindelik vir ons gaan meebring. Juis wanneer jy swaar kry, reik jy op ’n nuwe, meer intense manier na God uit, klou jy verbete aan sy genade vas, probeer jy verstaan wat Hy vir jou met hierdie swaarkry wil sê. En dit is in hierdie omstandighede dat die saadjies van geloof en vertroue in Hom ontkiem en begin groei.

      God weet van jou swaarkry. Hy sien elke traan raak. Hy sal ook op sy regte tyd ’n einde daaraan maak. Vertrou Hom gerus!

      Here,

      vergewe my dat dit nou vir my voel

      asof U koud staan teenoor my hartseer,

      asof U my glad nie verstaan nie,

      asof U ver van my af is,

      asof U u gesig van my weggedraai het,

      asof U nie meer luister wanneer ek bid nie.

      Dankie vir die versekering dat U van my swaarkry weet,

      dat U my nooit sal vergeet nie,

      dat U elkeen van my trane raaksien,

      dat u liefde vir my so sterk brand dat U nooit ver van my kán wees nie.

      Ek bid dat U my nou met u liefde sal omvou,

      dat U die saadjies van my hartseer een vir een sal laat ontkiem

      sodat hulle uiteindelik vir my ’n ryk geestelike oes sal oplewer.

      Dankie dat ek kan weet U hou my vas,

      dat ek in u arms veilig is vir altyd,

      al vrywaar my geloof my nie van seerkry nie.

      Ek wil U loof, Here, omdat U my smeekstem gehoor het,

      omdat U my gehelp het

      Amen

      Jou reddingsgordel

      Here, ek kry op die oomblik swaar,

      maar dankie dat ek weet dat U nie net ons God is

      wanneer dit goed gaan met ons nie.

      Dankie dat U U al oor en oor as die getroue God bewys het

      wat altyd daar is, ook as ons pad deur die donker dieptes loop.

      My arms is op die oomblik swak,

      ek het nie krag om aan U vas te hou nie,

      maar ek het U nodiger as ooit.

      Hou U my vas, Here.

      Ek voel soos ’n kindjie wat bang is vir die donker.

      Ek het u bemoediging en u nabyheid ontsaglik nodig.

      Moet my asseblief nie nou aan myself oorlaat nie,

      maar bewaar my van opstandigheid en twyfelvrae.

      Help my deur elke nuwe dag wat soos ’n berg voor my lê,

      maar veral bid ek, Here,

      dat U my sal help om selfs in hierdie moeilike omstandighede

      tot u eer te lewe.

      Al lyk dit op die oomblik vir my amper onwaarskynlik, Here,

      bid ek ook dat u dag weer oor my lewe sal breek

      en dat U weer my trane sal afdroog.

      Al kan ek dit nie voorsien nie, vertrou ek U tog daarvoor!

      Here, ek kan nie wág dat U weer moet kom

      om die hartseer en trane vir goed uit ons wêreld

      weg te neem nie.

      Kom tog gou, Here Jesus!

      Hannes Burger – Stemme van geloof

      4

      Wanneer die antwoorde uitbly

      “Ek roep na U om hulp, maar U antwoord my

      nie. Hier staan ek, maar U steur U nie aan

      my nie … Al wat vir my oorbly, is ’n treurlied

      op die lier, ’n lied van trane op die fluit.”

      Job 30:20, 31

      Job wil dringend antwoorde van God hê. Hy kan net nie verstaan hoe ’n regverdige God hom so onverdiend kan straf nie. Hy het alles in die wêreld verloor – sy besittings, sy kinders en sy gesondheid. Maar tog hou Job steeds aan Gód vas. Hy vertel vir God van sy hartseer en hy soek na God se antwoorde op sy waarom-vrae.

      Oënskynlik steur God Hom nie aan Job se jeremiades nie. Job ervaar persoonlik dat God nie na hom luister nie. En dit maak hom geweldig hartseer. Toe sy vriende probeer om vir hom kitsantwoorde te gee, raak Job net al meer verward.

      Eers toe God vir Job aan die hand vat, hom op ’n wandeling deur sy skepping neem en ’n kykie in sy heerlikheid gee, besef Job dat God hom nie ’n antwoord skuld nie. God is almagtig en heerlik. Alles onder die hemel behoort aan Hom. Wie kan van Hom rekenskap eis oor sy dade? Wie kan sê: “U het verkeerd gedoen”? vra sy vriend Elihu (Job 36:23). Toe besef Job dat hy eintlik vermetel was om God te bevraagteken en buig hy in sak en as voor sy Skepper.

      Dawid het ook eenkeer by God gaan aanklop vir antwoorde. Antwoord my tog gou, Here, ek is heeltemal gedaan. Moet tog nie van my af wegkyk dat ek word soos dié wat sterwe nie, bid hy in Psalm 143:7.

      Miskien is jy ook op soek na antwoorde op jou persoonlike waarom-vrae. Jy wil graag weet waarom daar so baie onverklaarbare rampe in jou lewe gebeur. Dit voel vir jou, soos vir Job en Dawid van ouds, asof God nie na jou luister nie, asof Hy jou waarom-vrae nie hoor nie. Vir jou het dit dan juis nou tyd geword om stil te wees en God van nuuts af te vertrou.

      If we insist on pursuing the question “Why?” we shall only increase our sense of frustration and perhaps bitterness. We only add to our injury and block the way for God’s love to reach us, skryf David Watson in Rivers in the desert.

      God géé nie altyd antwoorde op ons waarom-vrae nie. Eugenia Price het ’n boek geskryf met die titel No pat answers. Daar bestaan eenvoudig nie gerieflike antwoorde op al die vrae wat ons na God se kant toe slinger nie. Ons wéét nie waarom twee onskuldige Christenmeisies in hul woonstel verkrag word nie. Ons weet nie waarom boere op hul plase vermoor word nie. Ons weet nie waarom mense hul werk verloor nie. Ons weet nie waarom kinders in motorongelukke vermink word nie.

      Vir jou waarom-vrae is daar ook nie kitsklaar-antwoorde nie. СКАЧАТЬ