Молитвы о детях. Тебе вручаю чадо мое. Сборник

Чтение книги онлайн.

      Этот кондак читается трижды, затем икос 1-й «А́нгельский нрав имел еси…» и кондак 1-й «Избранный угодниче Христов и чудотворче…».

      О священная главо, ангеле земный и человече небесный, преподобне и Богоносне отче наш Александре, изрядный угодниче Пресвятыя и единосущныя Троицы, многия милости живущим во святей обители твоей и всем, с верою и любовию притекающим к тебе, являяй! Испроси нам вся к житию сему временному благопотребная, паче же к вечному спасению нашему нужная: пособствуй предстательством твоим, угодниче Бо́жий, да в мире глубоце пребудет святая православная Церковь Христо́ва, и во благостроении зиждется царство (Его), во всяком благочестии нерушимо: буди всем нам, чудотворче святый, во всякой скорби и обстоянии скорый помощник: наипаче же в час кончины нашея явися нам заступник благосердный, да не предани будем на мытарствах воздушных власти злобнаго миродержца, но да сподобимся непреткновеннаго восхода во Царствие Небе́сное. Ей, отче, молитвенниче наш присный! Не посрами упования нашего, не презри смиренных молений наших, но присно о нас пред престолом живоначальныя Троицы предстательствуй, да сподобимся вкупе с тобою и со всеми святыми, аще и недостойны есмы, в селениях райских славити величие, благодать и милость единаго в Троице Бо́га, Отца́ и Сы́на и Свята́го Ду́ха, во веки веков.