Shkrimtari. Danilo Clementoni
Чтение книги онлайн.
Читать онлайн книгу Shkrimtari - Danilo Clementoni страница 16
Название: Shkrimtari
Автор: Danilo Clementoni
Издательство: Tektime S.r.l.s.
Жанр: Научная фантастика
isbn: 9788873045052
isbn:
«Ec tani, më kalo kompjuterin portabël që të tregoj një gjë.»
Tipi i hollë mori nga mbrapa divanit një çantë të vogël të zezë me rrip dhe nxori prej andej një notebook ngjyrë gri të errët. E kqyri për një çast pastaj ia kaloi shokut të tij që e vendosi mbi tavolinë dhe e ndezi. Ndenjën të dy për pak duke vështruar ekranin ndërkohë që sistemi përfundonte proçedurën e ndezjes, derisa në një moment të caktuar, tipi i hollë shfryu «Nuk i duroj dot më këto gjëra. Po kaloj orë të tëra duke parë kolona progresi, ora me rërë që rrotullohen, azhornime të ndryshme... Si është e mundur që nuk arrihet që të bëhet një kompjuter që të funksionojë si televizor? Shtyp butonin dhe ndizet.»
«Tamam, do të ishte vërtet gjë e bukur. Kurse unë, gjëja që urrej më shumë është kur, pasi ke mbaruar së punuari dhe do ta fikësh për të vajtur në shtëpi, kompjuteri të paraqet një goxha mesazh ku shkruhet âMos e fik kompjuterin. Azhornimi i instalimit nga 1 në 325 është duke u ekzekutuar...â dhe të takon të presësh gjysëm ore ndërkohë që bën ato punët e veta. Po a nuk mund tâi bënte që më parë ato dreq azhornimesh? Duhej të më priste pikërisht mua që të bëhesha gati për tâu larguar?»
«Eh, informatika. Ndoshta, programuesit që kanë projektuar këto sisteme gëzohen madje kur na shohin ne të shkretët e pakallur që shkatërrojmë nervat para âkrijimeveâ të tyre.»
«Po thua se e bëjnë kastile?»
«Nëse mendon se sot, për të shkruar një letër, nevojitet një kompjuter me një forcë përpunuese miliarda herë më të madhe se ajo që misionet Apollo kanë përdorur për të dërguar njeriun në hënë, ma ha mendja se diçka është duke shkuar keq në evoluimin teknologjik.»
«Por, ti je eksperti» komentoi ai i holli. «Me siguri që, kohë kanë humbur shumë por pa këto pajisje tashmë nuk do arrijmë dot të shkojmë as në banjë.»
«Lëre fare, ec tani se më mirë është. Shiko më mirë se çfarë kam zbuluar gjatë netëve të mia pa gjumë.»
Burri trupmadh shfaqi mbi ekran një sërë imazhesh që duhej tâi kishte marrë në ndonjë arkiv vërtet jo publik. Shfletoi disa prej tyre dhe pastaj tha «Ja pra. Ato që po sheh tani besoj se janë një seri kombinimesh karakteresh kuneiforme, që janë në gjendje të aktivizojnë funksione të tjera shtesë të kësaj pajisjeje.»
«Po ku i ke marrë?» pyeti i holli me habi.
«Nëse ta them, atëherë më duhet të të vras pastaj» iu përgjigj trashaluqi me një pamje shumë serioze.
Tipi i gjatë dhe i hollë ngeli për një çast si i paralizuar pastaj e kuptoi që shoku i tij kishte bërë siç dukej një shaka dhe, pasi i dha një goxha shkelm, tha «Je vërtet trap. Hajt pra më lër të shoh atë zbulimin e parrëfyeshëm.»
Конец ознакомительного фрагмента.
Текст предоставлен ООО «ЛитРес».
Прочитайте эту книгу целиком, купив полную легальную версию на ЛитРес.
Безопасно оплатить книгу можно банковской картой Visa, MasterCard, Maestro, со счета мобильного телефона, с платежного терминала, в салоне МТС или Связной, через PayPal, WebMoney, Яндекс.Деньги, QIWI Кошелек, бонусными картами или другим удобным Вам способом.