Пасхальное богослужение с объяснением священника Александра Гумерова. Отсутствует
Чтение книги онлайн.
Читать онлайн книгу Пасхальное богослужение с объяснением священника Александра Гумерова - Отсутствует страница 8
Название: Пасхальное богослужение с объяснением священника Александра Гумерова
Автор: Отсутствует
Издательство: Никея
Жанр: Религиозные тексты
Серия: Для активного участия мирян в богослужении
isbn: 978-5-91761-952-1
isbn:
Хор: Го́споди, поми́луй.
Диакон: Заступи́, спаси́, поми́луй и сохрани́ нас, Бо́же, Твое́ю благода́тию.
Хор: Го́споди, поми́луй.
Диакон: Пресвяту́ю, Пречи́стую, Преблагослове́нную, сла́вную Влады́чицу на́шу Богоро́дицу и Присноде́ву Мари́ю со все́ми святы́ми помяну́вше, са́ми себе́ и друг дру́га, и весь живо́т наш Христу́ Бо́гу предади́м.
Хор: Тебе́, Го́споди.
Священник: Я́ко Твоя́ держа́ва и Твое́ есть Ца́рство и си́ла и сла́ва, Отца́ и Сы́на и Свята́го Ду́ха, ны́не и при́сно, и во ве́ки веко́в.
Хор: Ами́нь.
Песнь 3
Ирмос: Прииди́те, пи́во[147] пие́м но́вое, не от ка́мене непло́дна чудоде́емое[148], но нетле́ния исто́чник из гро́ба одожди́вша[149] Христа́, в Не́мже утвержда́емся.
Христо́с воскре́се из ме́ртвых.
Ны́не вся испо́лнишася све́та, не́бо же и земля́, и преиспо́дняя: да пра́зднует у́бо вся тварь воста́ние Христо́во, в не́мже утвержда́ется.
Христо́с воскре́се из ме́ртвых.
Вчера́ спогребо́хся Тебе́, Христе́, совостаю́ днесь[150] воскре́сшу Тебе́, сраспина́хся Тебе́ вчера́, Сам мя спросла́ви Спа́се во Ца́рствии Твое́м.
Пресвята́я Богоро́дице, спаси́ нас.
На нетле́нную жизнь прихожду́[151] днесь бла́гостию ро́ждшагося[152] из Тебе́, Чи́стая, и всем конце́м свет облиста́вшаго[153].
Пресвята́я Богоро́дице, спаси́ нас.
Бо́га, Его́же родила́ еси́ пло́тию, из ме́ртвых, я́коже рече́, воста́вша ви́девши, Чи́стая, лику́й, и Сего́ я́ко Бо́га, Пречи́стая, возвелича́й.]
Катава́сия: Прииди́те, пи́во пие́м но́вое, не от ка́мене непло́дна чудоде́емое, но нетле́ния исто́чник из гро́ба одожди́вша Христа́, в Не́мже утвержда́емся.
Христо́с воскре́се из ме́ртвых, сме́ртию смерть попра́в и су́щим во гробе́х живо́т дарова́в. (Трижды)
Диакон: Па́ки и па́ки ми́ром Го́споду помо́лимся.
Хор: Го́споди, поми́луй.
Диакон: Заступи́, спаси́, поми́луй и сохрани́ нас, Бо́же, Твое́ю благода́тию.
Хор: Го́споди, поми́луй.
Диакон: Пресвяту́ю, Пречи́стую, Преблагослове́нную, Сла́вную Влады́чицу на́шу Богоро́дицу и Присноде́ву Мари́ю, со все́ми святы́ми помяну́вше, са́ми себе́ и друг дру́га, и весь живо́т наш Христу́ Бо́гу предади́м.
Хор: Тебе́, Го́споди.
Священник: Я́ко Ты еси́ Бог наш, и Тебе́ сла́ву возсыла́ем, Отцу́ и Сы́ну и Свято́му Ду́ху, ны́не и при́сно, и во ве́ки веко́в.
Хор: Ами́нь.
Хор: Предвари́вшия у́тро[155] я́же о Мари́и[156], и обре́тшия[157] ка́мень отвале́н от гро́ба, слы́шаху от А́нгела: во све́те присносу́щнем[158] СКАЧАТЬ
Питие.
Чудесно изводимое (см. Исх. 17: 6).
Пролившийся.
Сегодня.
Перехожу.
Родившегося.
Озарившего.
Краткое праздничное песнопение. Название происходит от греческого слова, означающего «вслушиваться» или «внимать». В московском обиходе пасхальные ипакои поются на 8-й глас.
Пришедшие до рассвета.
Те (жены), что с Марией (Магдалиной).
Нашедшие.
Вечном.