Я люблю читать мою любимую книгу. Черновик. Николай Кузнецов

Чтение книги онлайн.

СКАЧАТЬ жив. Вопрошаше от них о часе, в который легчае ему бысть, и реша ему, яко вчера в час Дня остави его огнь. Разуме же отец, яко той час, в оньже рече ему Иисус, яко сын твой жив, и верова сам и весь дом его. Сие паки второе знамение сотвори Иисус, пришед от Иудеи в Галилею.

      Глава 11

      Глаголаше Иоанн Иродови: Не достоитъ тебе имети жену (Филиппа) брата твоего. Иродиа же гневашеся на Него и хотяше Его убити, и не можаше. Ирод бояшеся Иоанна, ведый Его мужа праведна и Свята, и соблюдаше Его, и послушав Его, многа творяше, и в сладость Его послушаше.

      Иисус прииде в Назарет, идеже воспитан, и вниде, по обычаю своему, в седьмой день недели (субботный), в сонмище. И даша ему книгу Исаии Пророка, и разгнув книгу, обрете место, идеже написано: Дух Господень на Мне, Его же ради помаза Мя благовестити нищим, посла Мя исцелити сокрушенныя сердцем, проповедати плененным отпущение и слепым прозрение, отпустити сокрушенныя во отраду, проповедати Лето Господне приятно. И согнув книгу, отдав слузе, седе, и всем в сонмищи очи беху зряще Нань. И начат глаголати к ним, яко днесь сбыстся писание во ушию вашею. И свидетелствоваху Ему, и дивляхуся о словесех благодати, исходящих из уст Его, и глаголаху: Не сын ли Иосифов? И рече к ним: Всяко речете Ми притчу: Врачу, исцелися Сам, елика слышахом бывшая в Капернауме, и не сотвори и зде, во отечествии Своем. Рече же: Аминь (ИСТИННО) глаголю вам, яко ни который Пророк приятен во отечествии своем, поистинне же глаголю вам, многи вдовицы беша во дни Илиины во Израили, егда заключися небо три лета и месяц шесть, яко бысть глад велик по всей земли, и ни ко единой их послан бысть Илиа, токмо в Сарепту Сидонскую к жене вдовице. И мнози прокажени беху при Елиссеи пророце во Израили, и ни един же от них очистися, токмо Нееман Сирианин. И исполнишася вси ярости в сонмищи слышавшии, и воставше изгнаша Его вон из града, и ведоша его до верху горы, на нейже град их создан бяше, да быша Его низринули, Он же прошед посреде их, идяше.

      Глава 12

      Слышав же Иисус, яко Иоанн предан бысть, отиде в Галилею,

      и оставль Назарет, пришед вселися в Капернаум в поморие, в пределех Завулоних и Неффалимлих, да сбудется реченное Исаием пророком, глаголющим: Земля Завулоня и земля Неффалимля, путь моря об он пол Иордана, Галилеа язык, людие седящии во тме видеша Свет Велий, и седящим в стране и сени смертней, Свет возсия им. Оттоле начат Иисус проповедати и глаголати: Покайтеся, приближися Царство Небесное.

      Глава следующая за 12

      Бысть же належащу Ему народу, да быша слышали Слово Божие, и той стоя при езере Геннисаретсте, и виде два корабля стояща при езере, рыбарие же отшедше от нею, измываху мрежи. Влез же в кораблю, иже Симонов, моли его от земли отступити мало, и сед учаше из корабля народы. Яко же преста глаголя, рече к Симону: Поступи во глубину, и вверзите мрежи ваша в ловитву. И отвещав Симон рече Ему: Наставниче, нощь всю труждшеся, ничесоже СКАЧАТЬ