Заговоры и молитвы на удачу и богатство. Секреты успеха и благополучия. Лора Мелик

Чтение книги онлайн.

СКАЧАТЬ тебе! Ты, преисполнен сый Христовы любви и благости, явился еси яко чудный чертог добродетели милосердия и стяжал еси себе имя «Милостивый». Ты был еси яко река, непрестанно текущая щедрыми милостъми и всех жаждущих обильно напаяющая. Веруем, яко, по преселении от земли на небо, усугубися в тебе дар благодати сея и яко соделал-ся еси неисчерпаемый сосуд всякия благостыни. Сотвори убо твоим ходатайством и заступлением пред Богом «всякия утехи», да еси, прибегающий к тебе, обретают мир и безмятежие: даруй им утешение в печалех временных и пособие в нуждах житейских, вселив в них надежду вечнаго упокоения во Царствии Небесном. В житии твоем на земли ты был еси пристанище всем сущим во всякой беде и нужде, обидимым и недугующим; ни един от притекавших к тебе и просивших у тебе милости лишен бысть твоея благостыни. Тожде и ныне, царствуя со Христом Богом на небеси, яви всем покланяющимся пред честною твоею иконою и молящимся о помощи и заступлении. Не точию сам ты творил еси милость безпомощным, но и сердца других воздвигал еси ко утешению немощных и к призрению убогих. Подвигни убо и ныне сердца верных к заступлению сирых, утешению скорбящих и успокоению неимущих. Да не оскудевают в них дары милости, паче же да вселится в них мир и радость о Дусе Святе, – во славу Господа и Спаса нашего Иисуса Христа, во веки веков. Аминь.

      Молитвы благоверному князю Всеволоду (Гавриилу), Псковскому чудотворцу

      Ему молятся при бедствиях, перед приобретением, от пленения, разорения, воровства и от всех пакостей.

      Тропарь, глас 4

      Из млада явился еси, богомудре княже Гаврииле, Божественный сосуд, избран Богови, благочестием воспитан, веру непорочну соблюд и многи святыя церкви устроив, изгнание претерпел еси от своих, якоже и целомудрии прародители твои от брата убиение. С нимиже предстоя Святей Троице, молися Державе Российстей сохраненной быти и всем нам спастися.

      Молитва

      О великий угодниче Божий и преславный чудотворче, святый благоверный княже Всеволоде Гаврииле, града Пскова и всея державы Российская небесный заступниче и покровителю, и всех нас усердный пред Богом предстателю и защитителю! Предстоя Престолу Великаго Царя и Бога нашего, в Троице Святей слави-маго и покланяемаго, велие дерзновение имаши к нему, яко верный раб Его и угодник. К тебе убо, яко среднему нам и многомощному пред Господем ходатаю, прибегаем мы, грешнии и недостойнии, и умиленно просим тя: моли Триединаго Бога, да отвратит от нас гнев свой, праведно по делом нашим на ны движимый, и презрев безчисленныя прегрешения наша, обратит нас на путь покаяния и спасения. Огради молитвами твоими в мире живот наш, и во всем благом благое поспешение и вся, яже к животу и благочестию потребная, нам даровати испроси. И якоже древле град твой Псков от пленения и разорения ратнаго дивно избавил еси, тако и ныне нас и вся грады и веси страны нашея от всяких напастей и бед, и напрасный смерти, предстательством твоим избави, и от всех враг видимых и невидимых покровом твоим защити. Моли присно милостиваго Бога: страждущую страну Российскую от лютых безбожник и власти их да свободит, и да возставит престол СКАЧАТЬ