Сизни излайман. Халима Маликова

Чтение книги онлайн.

      Ҳаётнинг қоронғи сўқмоқларида

      Адашдим, ёмонлар отди чоҳларга.

      Гоҳ эгри, гоҳ баланд довонларида

      Қалбимни тўлдирди оҳу воҳларга.

      Эгилган қаддимни тиклаб оларман,

      Барча зарбаларга бераман бардош.

      Ижодим қалбимга ишонч сингдирган,

      Имоним йўлимни ёритган қуёш.

      Бахтдан порлаб ёнар кўзларинг,

      Ҳаё билан тўсдинг юзларинг,

      Майин-майин ширин сўзларинг

      Чимилдиқдан чиққан келинчак.

      Сен бахтлисан, бахтдан масрурсан,

      Юрагингда ўзгача ғурур.

      Ёринг билан мангу даврон сур

      Чимилдиқдан чиққан келинчак.

      Сенда жамдир ибо, назокат,

      Барқ уради ишқ тўла ҳаёт.

      Тарк этмасин асло муҳаббат

      Чимилдиқдан чиққан келинчак.

      Парвоз этма самоларга

      Бир кун ерга қўнишинг бор.

      Ютуғингдан ҳаволанма

      Ахир бир кун сўнишинг бор.

      Оёғинг узилса ердан

      Тақдирингга кўнишинг бор.

      Инсонсан – инсондай яша

      Шунда ўсиб, унишинг бор.

      Севги қудратлидир, севги муқаддас,

      Унда шодлик, висол, қайғу яширин.

      Қанчалар ҳижрони бағрим тилмасин

      Барибир ҳаётда муҳаббат ширин.

      Севгисига етмай бағри куйганлар

      Етиша олмаган бирига бирин.

      Ҳижрони аччиқдан-аччиқ бўлса ҳам

      Барибир ҳаётда муҳаббат ширин.

      Етган бор, оламда етмаганлар бор,

      Ҳеч кимса билмаган севгининг сирин.

      Ишқ туфайли қийноқ, озор топса ҳам

      Барибир ҳаётда муҳаббат ширин.

      Ташлаб кетдинг бевафо,

      Кўзларимга тўлди ёш.

      Қанча азоб тортсам ҳам

      Ҳижронингга бердим дош.

      Келдинг бир кун ёнимга,

      Остонамга уриб бош.

      Аммо қабул қилмадим –

      Ҳижронингга бердим дош.

      Ўчмас юрак олови,

      Қўлида ишқ жилови,

      Гоҳида одамови —

      Шоир ўзи шунақа.

      Доим давраларга бош,

      Кексайса ҳам кўнгил ёш,

      Чарақлаб турган қуёш —

      Шоир ўзи шунақа.

      Ишқ деб ёзар чарчамас,

      Севгидан тўйдим демас,

      Гўзаллар кўп, ғам емас —

      Шоир ўзи шунақа.

      Бирини кўзин севар,

      Бошқасин ўзин севар,

      Биттасин сўзин севар —

      Шоир ўзи шунақа.

      Шоҳу гадо бари бир,

      Қилмайди юзи-хотир,

      Фақат ҳақиқатни дер —

      Шоир ўзи шунақа.

      Яхшиларга ҳар онда

      Учрайди тўсиқ, довон.

      Уларнинг ҳаётида

      Севинч, алам ёнма-ён.

      Ҳақсизликка яхшилар

      Қараб СКАЧАТЬ