Мин – табылдыклар өстәле / Я – стол находок. Рахим Гарай

Чтение книги онлайн.

      Туктарлы авылы да,

      Чукмарлы авылы да.

      Кәкре Елга да булсын,

      Бөкре Елга да булсын.

      Тайгаклы дигән авыл,

      Сайгаклы дигән авыл.

      Му авылы да булсын,

      Су авылы да булсын.

      Ала Елан авылы,

      Кара Елан авылы.

      Түбән авыл да булсын,

      Кече авыл да булсын.

      Булсын Әби авылы,

      Булсын Бәби авылы.

      Булсын Бабай авылы,

      Булсын Малай авылы.

      Көек дигән авыл да,

      Киек дигән авыл да.

      Өч өйле дә булсыннар,

      Өч йөз өй дә булсыннар.

      Мөрәле дигән авыл,

      Шүрәле дигән авыл,

      Кичке Таң дигән авыл,

      Кычыткан дигән авыл.

      Базарлы Матагы да,

      Базарсыз Матагы да.