Uit die Beek 2013. Attie van Wijk

Чтение книги онлайн.

СКАЧАТЬ Genesis 18:16–33

      Dreigende oordeel

      “Die geroep teen Sodom en Gomorra is hard. Hulle sonde is baie groot!” (Gen 18:20).

      GESELSVRAAG: Maak dit saak hoe ander mense lewe?

      “My God is ’n God van liefde en sal nooit enige mense hel toe stuur nie,” verklaar iemand in die groep. “Ja, my vriend, jy is heeltemal reg, maar dit is jóú god, nie die God van die Bybel nie,” antwoord iemand anders. “Die ware God is liefde, maar Hy is ook heilig. Hy is genadig, maar nie onbeperk genadig nie. Hy is lief vir sondaars, maar Hy haat ook alle sonde en moet dit straf. As jy nie Christus as jou plaasvervanger aanvaar nie, moet jy self jou straf dra.”

      Vandag se Skrifgedeelte wil ons herinner dat God se genade ook tot ’n einde kom. Sodom het God so lank getart. Sy inwoners het so goddeloos gelewe dat die geroep daarvan by God uitgekom het. Abraham het besef dat die stad verwoes sou word. Maar hy het vir hulle ingetree in gebed. Ongelukkig was daar nie eens tien mense wat God in daardie stad gedien het nie. Uiteindelik is net Lot en sy twee dogters uit die hele bevolking gered.

      Alles wat om ons gebeur, het ook ewige gevolge. Soos Abraham moet ons ook intree vir ons ongelowige bure en medeburgers. Maar uiteindelik sal hulle die onvermydelike gevolge van hul keuses moet dra. Sonde is nie iets om mee te speel nie. Die loon van die sonde is nog steeds die dood (Rom 6:23).

      GEBED: “Wees ons genadig, Here, en red ons mense van die hel.”

      Lees vanaand in Genesis 19:1–11 waar die woord ‘sodomie’ vandaan kom.

      WOENSDAG 23 JANUARIE 2013

      Lees eers Genesis 19:12–26

      Moenie wag nie!

      “Toe Lot nog talm, het die twee mans hom en sy vrou en sy twee dogters aan die hand gegryp en hulle uit die stad uit gevat, want die Here het Hom oor Lot ontferm” (Gen 19:16).

      GESELSVRAAG: Wanneer is die beste tyd om jou te bekeer?

      “Wanneer is ’n goeie tyd om jou te bekeer, dominee?” vra ’n katkisant. “Een dag voor jy gaan sterf,” was sy verrassende antwoord. “Maar ek weet nie wanneer ek gaan sterf nie.” “Presies. Daarom sê die Bybel ons moet dadelik reageer as ons God met ons hoor praat” (Heb 4:13–15).

      Lot en sy gesin het in hierdie stadium in die stad Sodom gewoon. Hul vriende was almal daar. Die dogters se verloofdes was daar. Daarom was hulle geskok om die engele se boodskap te hoor. Die skoonseuns het dit as ’n poets beskou. Hulle kon gered word, maar het dit afgelag. Lot het nog getalm – dalk wou hulle besluit wat om saam te dra – tot die engele ongeduldig geraak het en hulle uit die stad gesleep en aangejaag het. Lot se vrou was so amper gered – maar toe kyk sy om. Lot was so amper verlore, maar hy is tog gered.

      Vandag kry ons ook sulke mense. Sommige vind die geloof in ’n genadige God baie amusant. Ander wil uitstel, of draai terug na die ou lewe. Dit is net dié wat volhard tot by die plek van veiligheid, Jesus, wat gered word.

      “Hý bring die verlossing en niemand anders nie. Daar is geen ander naam op die aarde aan die mense gegee waardeur God wil dat ons verlos moet word nie” (Hand 4:12).

      GEBED: “Here Jesus, ek kom nou vandag net soos ek is.”

      Lees vanaand in Genesis 19:27–38 van die tragiese gevolge van Lot se selfsugtige keuse, vir hom en sy kinders.

      DONDERDAG 24 JANUARIE 2013

      Lees eers Genesis 20:1–9

      Mensevrees

      “Wat jy my aangedoen het, is onbehoorlik” (Gen 20:9).

      GESELSVRAAG: Wanneer laas het jy met iemand oor Jesus gepraat?

      “Ek is baie kwaad vir my Christen-skoolmaats,” vertel ’n bekeerde Moslem, “want ons het elke dag saamgespeel en hulle het nooit met my oor Jesus gepraat nie. Ons buurman was ’n ouderling in die kerk, maar hy het nie een keer die goeie nuus met my gedeel nie. Selfs toe my maats aangeneem is, is ek na die partytjie genooi, maar nie na die kerk toe nie.” Hy het eers baie jare later deur sy vrou by Jesus uitgekom.

      Abraham wou ook nie uit sy foute leer nie. Uit vrees vir Abimelek vertel hy weer die storie dat sy vrou net sy suster is, soos hy in Egipte gedoen het (Gen 12). Die Here het Self die feite aan die koning geopenbaar, en die gelowige moes deur die ongelowige bestraf word oor die manier waarop hy hom in die gevaar gelei het. En toe is dit die ongelowige wat die inisiatief neem om die saak reg te stel! Skande op die huis ...

      Kan dit wees dat eendag in die ewigheid daar van ons familie en vriende sal wees wat ons sal aankla omdat ons nooit genoeg vir hulle omgegee het nie? Ons ken die regte pad, maar ons deel dit nooit met ons werknemers of werkgewers nie. Ons praat oor alles met ons vriende, behalwe oor die belangrikste saak van alles – geloofsekerheid. Maak seker dat jy ’n egte geloof het, en word dan ’n aansteeklike Christen.

      GEBED: “Here, gee my vandag die kans om iemand te seën.”

      Lees vanaand in Genesis 20:10–18 hoe Abraham die verhouding probeer herstel het.

      VRYDAG 25 JANUARIE 2013

      Lees eers Genesis 21:1–8

      Lag-lag

      “God het gemaak dat mense vir my lag: elkeen wat van Isak hoor, sal vir my lag” (Gen 21:6).

      GESELSVRAAG: Wat het jou al die heel lekkerste laat lag?

      “’n Sendeling het ’n sin vir humor nodig,” het professor Willie van der Merwe graag gesê. Jy sien soveel hartseer dinge en dinge wat jou moedeloos maak. Sommige mense het dan net die gawe om die snaakse in elke gebeurtenis te sien, en dit met lus oor te vertel. Dit is ’n lus om by hulle te gaan kuier, want jy weet jy gaan net die hele tyd lag. Hulle lag vir hulself. By ander mense is dit ’n pyn om te gaan kuier, want hulle kla oor alles. Niks is goed nie. Mense probeer hulle maar vermy. Van watter soort is jy?

      Ons lees keer op keer van lag in Isak se geskiedenis. Abram en Sarai het gelag toe hulle die eerste keer hoor dat hulle wel nog ’n kind sal kry. Maar hy het nie opgedaag nie. En nou, toe Abraham 100 jaar oud is en sy vrou 90, daag die beloofde seun eers op. En daar word gelag. Geen wonder dat die seuntjie die naam Isak (lag) gekry het nie. Sou hy self ’n vrolike seuntjie gewees het? (Soms wonder ek waarom sy pa eers 40 jaar later ’n bediende moes stuur om vir Isak ’n vrou te soek. Sou hy dalk vreeslik skaam gewees het?)

      Vreugde is een van die vrugte van die Heilige Gees. Die Here het nie bedoel dat ons met lang gesigte moet rondloop nie. Toe, glimlag ’n slag! Ontdek vandag hoe aansteeklik dit is.

      GEBED: “Dankie vir die vreugde wat net U kan gee, Here.”

      Lees vanaand in Genesis 21:9–21 oor die moeilike tyd wat Hagar en Ismael deurgemaak het, en hoe God vir hulle gesorg het.

      SATERDAG 26 JANUARIE 2013

      Lees eers Genesis 21:22–34

      Goeie bure

      “Beloof my dan nou met ’n eed ... dat jy net so eerbaar sal optree teenoor my en teenoor die land waarin jy nou woon, as wat ek teenoor jou opgetree het” (Gen 21:23).

      GESELSVRAAG: СКАЧАТЬ