Uit die Beek 2013. Attie van Wijk

Чтение книги онлайн.

СКАЧАТЬ maak sy hart vandag bly.

      GEBED: “Here Jesus, Hoëpriester, ek wy myself aan u diens.”

      Lees vanaand in Genesis 15:1–11 hoe die Here aan die kinderlose Abram ’n nageslag belowe.

      VRYDAG 18 JANUARIE 2013

      Lees eers Genesis 15:12–21

      God kom in donker tye

      “ ... angs, ’n groot donkerte het hom oorweldig” (Gen 15:12).

      GESELSVRAAG: Wanneer het jy geestelik die meeste gegroei?

      “Hoe verwerk jy jou kind se dood?” vra ek die plaaslike prokureur. Sy seuntjie van sewe het breinkanker opgedoen, en ten spyte van baie gebede en mediese behandeling is hy tog oorlede. Ek was bang dat hierdie trauma ’n bitterheid sou agterlaat. “Dit was die tyd dat ons geestelik die meeste gegroei het,” was sy antwoord. Hy het ontdek dat die Here hom nie verlaat het nie, maar dat Hy by hulle was deur die donkerste dieptes.

      Abram het ’n soortgelyke ervaring gehad. Die oggend baie vroeg – die sterre het nog geskyn – het die Here wonderlike beloftes aan hom gemaak. Sy kinderloosheid sou verander in vrugbaarheid, en ’n hele volk sou die resultaat wees. Die Here het hom ook aangesê om sekere offers voor te berei. En toe alles gereed was – dit het die hele dag geneem – word dit donker om hom en hy voel beangs. En toe praat die Here met hom.

      Ons almal ervaar soms donker tye, dat jou finansies verkeerd loop, of ’n ramp jou tref, of tye van ernstige siekte, of ’n ongelukkige huwelik, of kinders wat jou teleurstel. Jy verloor jou werk en jou huis, en amper jou vrou en kinders ook. Moenie skrik nie. Die Here gebruik soms sulke tye om met ons te praat. Wees gewillig om te luister. Vertrou die Here dat alles ten goede sal meewerk.

      GEBED: “Dankie dat U ook in donker dae met ons besig is, Here.”

      Lees vanaand in Genesis 16:1–9 hoe Abram en Sarai kortpaaie wou loop, en watter hartseer dit veroorsaak het.

      SATERDAG 19 JANUARIE 2013

      Lees eers Genesis 16:10–16

      God sien my

      “U is ’n God wat my sien, hier het ek Hom gesien wat my gesien het” (Gen 16:13).

      GESELSVRAAG: Wanneer het jy gevoel dat God van jou vergeet het?

      “All men should strive to learn before they die what they are running from, and to, and why,” lui James Thurber se skerpsinnige gediggie.

      “Wat op aarde maak ek hier?” het op ons gemeente se hempies gestaan toe ons die 40 dae-kursus oor ’n doelgerigte lewe gedoen het. Toe ek dit eenkeer in die supermark dra, vra die dametjie agter die toonbank my: “Weet meneer nie wat jy hier kom maak het nie?” Dit het my darem die geleentheid gegee om die vyf belangrike dinge te verduidelik wat die Here van ons elkeen verwag.

      Hagar het ’n ellendige lewe gehad. Sy was net ’n besitting. Sy is as byvrou gegee sonder dat sy enige keuse gehad het, en toe sy swanger word, is sy mishandel. Sy het gevlug, maar langs die pad het ’n engel haar voorgekeer en teruggestuur. Sy het besef dat die Here haar raakgesien het, al het ander mense niks van haar gedink nie. En sy het haar seuntjie Ismael – die Here sal hoor – genoem.

      Daar kom tye in ons lewe dat ons ook voel dat almal ons miskyk. Die regte lewensmaat daag nie op nie. Die maats by die skool vermy jou. Jy word oor die hoof gesien vir bevordering of verhoging. Weet dan: Die Here sien en hoor jou. Hy ken jou en het jou lief. Hy weet alles, en sal dit tot ’n seën vir jou maak.

      GEBED: “Dankie dat U ons elke oomblik van hierdie dag sal sien, Hemelvader.”

      Lees vanaand in Genesis 17:1–14 hoe God sy verbond met die bejaarde Abram hernuwe.

      SONDAG 20 JANUARIE 2013

      Lees eers Psalm 82:1–8

      Die groot Regter

      “Kom tog, o God! Lewer uitspraak oor die wêreld, want al die nasies behoort aan U” (Ps 82:8).

      GESELSVRAAG: Watter onreg sien jy raak?

      “Wat het korrupsie, misdaad, slegte regering, oneerlike regters of swak wetgewing met die kerk te doen?”

      Ons is so geneig om Sondae bymekaar te kom, die Here te loof, na ’n preek te luister en dan weer huis toe te gaan tot volgende Sondag. Die kerk het niks met Maandag tot Saterdag te doen nie.

      Die kerk is egter nie ’n gebou nie – dit is die versameling van gelowiges. Die kerk is nie net daar op Sondae nie, maar elke dag van die week. Die kerk gebruik die paaie elke dag, boer op die plase, staan agter winkeltoonbanke, werk in die fabrieke, dien in die staatsdiens of munisipaliteit of werk in die howe. Die kerk is ook in die stadsraad en die parlement. Die kerk is ook nie net in Suid-Afrika nie, maar in elke land op aarde, of daar nou godsdiensvryheid is of nie. Dit is ook baie wyer as net ons kerkgenootskap. Alle gelowiges saam vorm die liggaam van Christus op aarde.

      Wanneer laas het jy vir die regters en landdroste gebid? Hét jy al ooit, of kla jy net oor hul swak uitsprake? Hulle is mense net soos ons, en het baie gebede nodig sodat reg kan geskied. Bid dus vir die prokureurs vandag, en die polisie, die staatsaanklaers, klerke en advokate. Moenie die weermag en korrektiewe dienste vergeet nie.

      GEBED: “Ons bid vandag vir almal wat die reg moet laat geskied.”

      Lees vanaand in Psalm 83:1–19 hoe ’n gelowige in ’n tyd van verdrukking gebid het. Let op sy motivering.

      MAANDAG 21 JANUARIE 2013

      Lees eers Genesis 17:15–27

      Die God van die onmoontlike

      “Maar dit is met Isak, die seun wat Sara vir jou oor ’n jaar in die wêreld sal bring, dat Ek my verbond sal nakom” (Gen 17:21).

      GESELSVRAAG: Watter uitdaging hierdie week lyk vir jou onmoontlik?

      “Tannie Louise is laas Vrydag oorlede. Sy was 100 jaar oud,” het die berig so pas gekom. Min van ons het vriende of familie wat daardie mylpaal bereik het. Dié wat ons van weet, is maar baie swak. Glad nie kandidate om ’n baba in die wêreld te bring nie. So het Abraham op 99 jaar nie juis veel hoop gehad dat hy nog kinders sou hê nie – en veral nie deur die hoogbejaarde Sarai nie.

      Ons God is die God van die onmoontlike. Slegs Hy kon die heelal uit niks skep. Die evolusieleer kon dit nog nie verklaar nie. Dink net hoe wonderlik alles beplan is. Hoekom word water minder dig sodra dit begin vries? Sodat die ys bo kan dryf en gou weer kan smelt. Anders sou al die oseane slegs ’n paar meter diep wees en alles verder bevrore wees. Hierdie groot God het Homself aan Abraham openbaar en verduidelik dat sy verbond nog van krag is. Sarai sou ’n seuntjie kry, en die verbondslyn sou deur hom loop. Dit was mos onmoontlik!

      Die Bybel is vol onmoontlike dinge: blindes wat weer kan sien, lammes wat loop, dooies wat opgewek word, ’n profeet wat drie dae in ’n vis oorleef – noem maar op! Is hierdie almagtige God dan nie groot genoeg vir jou probleme ook nie?

      GEBED: “Here, saam met U kan ek enige uitdaging aanvaar.”

      Lees vanaand in Genesis 18:1–15 hoekom Isak so genoem word. Die woord beteken “lag”.

      DINSDAG СКАЧАТЬ