Uit die Beek 2012. Attie van Wijk

Чтение книги онлайн.

СКАЧАТЬ berei ek my kinders vir die lewe voor?” is ’n vraag wat menige ouer kwel. Sommige wil hulle teen die lewe beskerm, laat hulle toe om enigiets aan te vang, kies agterna die kind se kant en betaal die skade. Die kind leer nooit verantwoordelikheid nie. Ander laat die kinders leer om self verantwoordelikheid te neem vir hulle dade. Dit leer hulle selfbeheersing en versigtigheid.

      In Moses se afskeidslied neem hy die arende as voorbeeld. In die begin versorg die ouers die kleintjies en gee hulle alles wat nodig is. Die kleintjies sal graag vir die res van hulle lewe sit en kyk hoe alles vir hulle aangedra word. Maar daar kom ’n tyd wanneer die kleintjies moet leer vlieg en vir hulleself sorg. In die begin is hulle bang, want die neste is op hoë kranse gebou. Maar as die ouers die kleintjie uitskop en hulle paniekbevange begin fladder, bly die ouers die hele pad by en duik onder hulle in om hulle te vang en weer na die nes toe terug te neem. So het die Here die volk Israel uit Egipte “geskop” en hulle deur die wildernis gelei om hulle sterk te maak. Maar die Here was die hele pad by hulle, en het keer op keer voorsien wanneer hulle in die nood was.

      Ons moet dus nie skrik as dinge soms moeilik gaan nie. Die Here het ons nie verlaat nie – Hy wil ons geloof net ’n bietjie rek. Vertrou Hom, en wees gewillig om te groei.

      GEBED: “Here, ek is bang om buite my gemaksone te beweeg. Maar ek vertrou U om my deur hierdie ervaring sterker te maak.”

      Lees vanaand in Deuteronomium 32:19–28 oor die tragiese gevolge as iemand sy rug op die Here keer.

      Saterdag 18 Februarie

      Lees Deuteronomium 32:29–35.

      Dink vooruit

      As hulle wysheid gehad het, sou hulle dit verstaan het, sou hulle begryp het wat hulle uiteinde sal wees (Deut 32:29).

      “Onthou, kinders, as julle voor ’n versoeking te staan kom, moet julle nie vra: ‘Wat kan ek daardeur kry?’ nie, maar: ‘Wat sal ek daardeur word?’” het ’n moeder haar kinders probeer voorberei vir die onafhanklike lewe. As jy in die minste oneerlik is, word jy daardeur ’n dief. As jy iemand haat, word jy daardeur ’n moordenaar (1 Joh 3:15). As jy iemand begeer, word jy ’n egbreker (Matt 5:28). As jy sê: “My god is ’n god van liefde, en sal niemand na die hel toe stuur nie,” word jy ’n afgodedienaar, want jy skep vir jouself ’n afgod wat nie bestaan nie. As jy die Here se naam as ’n stopwoord gebruik, word jy ’n lasteraar. En dan dink jy nog jy is basies ’n goeie mens en dat jy hemel toe sal gaan? Kan God heilig en regverdig wees en dit toelaat?

      In Moses se lied wil hy die volk help om vooruit te dink en te besef dat die verkeerde keuses tot hulle ondergang sal lei. Hulle moet besef dat hulle verkeerde keuses ook die ander volke om hulle raak. Hulle goddelose lewenstyl ontneem hulle bure van die geleentheid om die ware God te leer ken. Dit is God se eer wat op die spel is.

      Vandag is Saterdag, en ons kan self kies wat ons vandag wil doen. Onthou net dat God se eer ook vandag op die spel is. Ons moet dus só aan sport deelneem, of inkopies doen, of by ons vriende en familie kuier, dat ons optrede ’n getuienis sal wees van ’n God wat lewens verander.

      GEBED: “Dankie dat U ook vir ons ’n rol het om vandag te speel wat ander mense se lewe kan verander!”

      Lees vanaand in Deuteronomium 32:36–43 hoe die Here nog steeds in beheer bly, al lyk dit asof die bose die oorhand het.

      Sondag 19 Februarie

      Lees Psalm 37:23–31.

      Eerste Lydensweek

      Tyd om weer op te staan

      Die Here bepaal die koers van die mens met wie se pad Hy tevrede is, en Hy ondersteun hom. As so iemand val, bly hy nie lê nie, want die Here help hom op (Ps 37:23–24).

      “Die wenner is die een wat, al word hy tien keer platgeslaan, elf keer opstaan,” verduidelik ’n bekende boksafrigter. En al sou ons nie mooi verstaan hoe hy tel nie, kan ons tog die beginsel verstaan en op ons eie lewe toepas. Die lewe is ’n stryd, en soms word ons in die proses platgeslaan. Ons moet nou nie moed verloor en bly lê nie; die Here wil ons help om weer op te staan. Dit is baie sleg vir jou selfbeeld as jy jou werk verloor, of as daar ’n nare teleurstelling in jou lewe is en jou lewensmaat jou verlaat. Dis sleg as jy ’n geliefde aan die dood moet afgee, of as die firma waar jy jou spaargeld belê het, bankrot gaan. Dis hartseer as jou ideale in skerwe spat of as die dokter jou vertel dat jy ’n terminale siekte het. Maar dit is nog nie die einde van die pad nie. Jy kan weer opstaan en moed skep. Jy is nie alleen op dié pad nie. Die Here is langs jou om jou op te help. Hy wil jou ondersteun.

      Vandag is een van daardie dae dat die Here jou wil ontmoet en versterk, of dit nou in die kerk of by die huis is. Maak vandag tyd om na Hom te luister en om Hom te vertel hoe jy regtig voel. Hy verstaan baie goed, want Hy het jou mos gemaak. Hy ken jou sterk punte en jou swakhede. En as jy vandag nog lewe, dan is Hy nog nie met jou klaar nie. Hy wil jou vorm en versterk tot ’n sieraad vir sy koninkryk. Staan op, dat die Here met jou kan begin werk!

      GEBED: “Dankie dat U nie met my moedeloos raak nie, al raak ek self moedeloos, Here. Tel my weer op, en gee my krag vir vandag.”

      Lees vanaand in Psalm 37:32–40 hoe die Here jou wil bemoedig in tye van swaarkry en bekommernis.

      Maandag 20 Februarie

      Lees Deuteronomium 32:44–52.

      Dit is die lewe

      Dit is nie ’n geringe saak vir julle nie, dit is die lewe vir julle, en deur hierdie gebod te onderhou, sal julle julle verblyf verleng in die land wat julle in besit sal neem (Deut 32:47).

      “Komaan, julle kan dit doen. Dit is nog net vyf kilometer. Byt vas! Jy is al amper daar!” moedig die span by die laaste waterpunt die moeë atlete aan. En gee sommer weer nuwe lewe aan die moeë bene. Ons het almal sulke aanmoedigers nodig!

      Ons maak hierdie week klaar met Deuteronomium. Ons lees nou die laaste gedeelte van Moses se lewe. Hy was reeds 120 jaar oud, maar het nog kans gesien om vir oulaas alleen teen die berg uit te klim en uit te kyk oor die beloofde land voor hy sterf. Tot hier toe het die Here hom versterk en gedra. Hy moes baie krisisse oplos en in baie behoeftes voorsien. Elke keer het hy gesien dat die Here in staat is om te help. Hy het geleer om ’n vriend van God te word, en het die Here gereeld ontmoet. Al was hy onvolmaak, en al het hy die Here baie keer teleurgestel, het hy elke keer maar weer opgestaan en voortgegaan. En hy het aan ons die Pentateug nagelaat om ons te help op die pad na ons eie beloofde land. Jesus was baie lief vir die boeke van Moses, en het gereeld daaruit aangehaal. Dit is dus nie ’n geringe saak wat hierin opgeteken is nie. Ons het die Here al beter leer ken terwyl ons gekyk het hoe Hy met Israel werk.

      Dieselfde getroue God werk vandag nog met ons ook. Kom ons maak ons pad met vreugde klaar, en kom ons hou end-uit vol, al kom daar ook moeilike dae. En laat ons woorde en voorbeeld ’n bemoediging wees vir dié wat agterna kom.

      GEBED: “Here, dankie dat u Woord my wil toerus vir die lewe. Help my om voluit daarvolgens te lewe.”

      Lees vanaand in Deuteronomium 33:1–7 die eerste deel van Moses se laaste boodskap aan die Israeliete.

      Dinsdag 21 Februarie

      Lees Deuteronomium 33:8–11.

      Getroue werkers

      Die СКАЧАТЬ