Uit die Beek 2012. Attie van Wijk

Чтение книги онлайн.

СКАЧАТЬ skerms besig is om in groot paniek te probeer keer dat mense in God glo en Hom begin gehoorsaam? Eendag in die ewigheid sal dit seker baie interessant wees om die ware motiewe agter mense se optrede te ontdek.

      Vandag se teksvers is moeilik om in die oorspronklike taal te verstaan, soos jy sal sien as jy na die 1933-vertaling van die vers kyk. Die bedoeling is egter duidelik, en die 1983-vertaling probeer dit so verstaanbaar moontlik deurgee. Dawid noem homself hier die dienaar van die Here, en beskryf dan hoe die goddelose mens net mooi die teenoorgestelde as ’n dienaar van die Here doen. Kyk weer na die beskrywing. Lyk dit nie dalk bekend nie?

      Vandag is die Here se dag. Hoe gaan jy dit deurbring? Soos ’n mens van ’n “dienaar van die Here” sou verwag, of soos goddelose mense vandag sou doen? Is jy werklik anders as wêreldse mense? Ons het nodig om te verander. Kom ons gee die Here vandag kans om met ons te werk.

      GEBED: “Here, ek is ook u dienaar. Help my om vandag ten volle te benut, sodat U u doel met my kan bereik.”

      Lees vanaand in Psalm 36:8–13 die pragtige beskrywing van God se optrede as teenpool van goddelose mense s’n.

      Maandag 6 Februarie

      Lees Deuteronomium 24:10–22.

      Doen wat reg is

      Jy moet hom sy loon nog dieselfde dag gee, voor die son ondergaan, want hy is arm en reken op sy loon (Deut 24:15).

      “Nadat ek die hele dag hard gewerk het, sê die werkgewer vir my hy het nie nou geld nie, ek moet die volgende dag weer kom,” vertel ’n gevangene. “Toe ek die volgende dag kom, sê hy ek het nie goed genoeg gewerk nie, dus gaan hy my niks betaal nie. En ek het die geld so nodig om vir my gesin te sorg. Toe vat ek sommer ’n stuk gereedskap saam met die uitstap en gaan verkoop dit vir R20 om vir hulle kos te gee. En toe word ek gearresteer en drie jaar tronkstraf gegee,” huil hy verder, sodat sy trane ’n plas op die selvloer maak. Daardie werkgewer het beslis nie geluister na wat die Bybel sê nie. Ek sal nie graag op die oordeelsdag in sy skoene wou staan nie.

      Moses is nog steeds besig met ’n groot verskeidenheid praktiese reëlings. Maar almal gaan oor dieselfde saak: Doen reg aan die minderbevoorregtes. Gee om vir mense wat in nood is. Moenie die armes uitbuit nie.

      Ons het ook elke dag armes en immigrante by ons. Hulle is in groot nood. Dit is nie so dat hulle almal lui is en nie wil werk nie. Hulle wil so graag vir hulle mense sorg. Sommige se familie in buurlande is van hulle afhanklik vir oorlewing. Ons mag dus nie van hulle nood misbruik maak en hulle uitbuit nie. Hulle betaal dieselfde vir ’n brood as ons. Hulle woon in haglike omstandighede. Hulle wil ook hulle kinders goeie opleiding laat kry. Hulle kinders het ook skoene en skoolklere nodig. Laat ons dus so ver as wat dit moontlik is, die regte ding doen, om God te eer.

      GEBED: “Here, dis net uit genade dat ons so bevoorreg is. Help ons om iets van u liefde aan minderbevoorregtes te wys.”

      Lees vanaand in Deuteronomium 25:1–10 oor die regspraak en versorging van weduwees in Moses se tyd.

      Dinsdag 7 Februarie

      Lees Deuteronomium 25:11–19.

      Sake-etiek

      Die Here jou God het ’n afsku van almal wat oneerlik is en ander bedrieg (Deut 25:13).

      “Jannie,” sê die juffrou, “as ek R300 vir jou pa leen en hy moet my terugbetaal teen R15 per week, hoeveel sal hy my na tien weke skuld?” “R300,” sê Jannie. “Jy ken nie jou tafels nie!” raas die juffrou. “Juffrou ken nie my pa nie,” antwoord Jannie.

      “Maar, Edelagbare, ek het nie doelbewus my botterpakkies ligter gemaak nie,” pleit ’n boer wat deur die winkelier aangekla is dat hy vals gewigte gebruik. “My skaal se tweepondgewig het weggeraak, en toe het ek sommer twee van die winkelier se pondsakkies suiker op my skaal gebruik om die botter mee af te weeg.” Hierdie bekende grappies wys dat oneerlikheid tot vandag toe ’n probleem in die sakewêreld is.

      Moses wil ons egter herinner dat sulke oneerlikheid nie net die mense om ons raak nie. Dit kom ook onder God se aandag. Hy het ’n afsku aan oneerlike sakepraktyke. Ons het dus nie net met die gereg te doen nie, maar ook met God. En dan raak die oneerlike winste regtig nie die moeite werd nie. Oneerlikheid doen nie net skade aan ons medemense nie. Dit kan jou tot in ewigheid berou.

      Dit is maklik om jouself deur korrupsie en oneerlike wins te verryk, maar dit is nie die einde van die verhaal nie. Wat jy saai, gaan jy ook oes. Die gevolge van sulke dade sal nie uitbly nie. En dan praat ek nie eens van tronkstraf nie. Ek dink veral aan die troon van God waar ons elkeen rekenskap sal moet gee oor alles wat ons gedoen het (Op 20:11–12).

      GEBED: “Here, maak my pynlik eerlik in alles wat ek doen, sodat ek my nie voor u troon sal hoef te skaam nie.

      Lees vanaand in Deuteronomium 26:1–10 hoe die Israeliete die Here moes dank wanneer hulle hulle eerste oeste ingehaal het.

      Woensdag 8 Februarie

      Lees Deuteronomium 26:12–19.

      Aanvaar die verbond!

      Jy het vandag verklaar dat die Here jou God is, en dat jy volgens sy wil sal lewe, dat jy sy voorskrifte en gebooie en bepalings sal gehoorsaam en dat jy na Hom sal luister (Deut 26:17).

      “Wat is ’n verbond?” het ek ’n groep teologiese studente gevra. Hulle het ge-hiernatoe en ge-daarnatoe. Nie een van hulle was seker wat dit is nie. Tog praat ons maklik van die verbond, en ons hoor daarvan elke keer as daar ’n doopdiens is. Wat is jou antwoord? (Dink mooi na voordat jy verder lees.)

      ’n Verbond is ’n plegtige ooreenkoms of kontrak tussen twee partye. In vandag se Skrifgedeelte is die twee partye die volk Israel en God. En ons sal dit moeilik beter kan beskryf as wat Moses dit in vers 17–19 doen. Aan die een kant onderneem die Israeliete om die Here as hul God (nie hul bediende nie) te aanvaar, en om Hom ten volle te gehoorsaam en elke dag na sy opdragte te luister en dit te doen. Aan die ander kant onderneem die Here om die Israeliete as sy volk te aanvaar, en om hulle te seën sodat hulle ’n seën vir die wêreld kan wees. Letterlik staan daar dat die volk heilig – aan God gewy – sal wees. Die verbond is dus ’n radikale ooreenkoms wat hul lewe totaal sal verander.

      Die ou kerkvaders het pragtige formuliere opgestel wat gebruik moes word by die doop, die nagmaal en die bevestiging van lidmate. By elkeen van daardie geleenthede belowe ons ook plegtig om God se mense te wees wat Hom in alles sal gehoorsaam. Dit sal goed wees om weer te gaan lees wat ons destyds aan die Here belowe het. Toets dan jou eie gehoorsaamheid. En bedoel wat jy belowe het.

      GEBED: “Here, watter genade dat U, die heilige God, met ons ’n verbond aangaan! Help my om my lewe aan U te wy.”

      Lees vanaand in Deuteronomium 27:1–10 oor die graffiti wat die volk moes skryf om hulle aan hierdie dag te herinner.

      Donderdag 9 Februarie

      Lees Deuteronomium 27:11–26.

      Mag dit so wees!

      Dan moet die hele volk antwoord: “Amen!” (Deut 27:15).

      “Hoekom is julle so stil? In ons kerk stem die hele gemeente saam met die prediker, en sê dan hardop: ‘Amen!’” het die Sioniste-leraar by ’n konferensie СКАЧАТЬ