Асарлар. Махтумқули. Махтумкули

Чтение книги онлайн.

      – Bizdan salom bo‘lsin ul O‘roz xonga!

      Taxt ustinda ul kim rivoj o‘tirmish?

      Qirq kosa may quyib tillodan jomga,

      Ul kim, bari jomni boshga ko‘tarmish?

      – Bizdan salom sizga, ustoz Firog‘iy!

      Sulaymon erk-taxtga rivoj o‘tirmish.

      Bilqis quyib qirq kosa may ul jomga,

      Eranlar yig‘ilib, boshga ko‘tarmish.

      – Ne oshiqdir, yig‘lar, ko‘zda yoshi yo‘q?

      Ne gavdadir, ikki kiftda boshi yo‘q?

      Ul ne ko‘zdir, kiprigi yo‘q, qoshi yo‘q?

      Ko‘zlilardan yaxshi narsalar ko‘rmish?

      – Mashrab yig‘lar, ko‘zlarida yoshi yo‘q,

      Ul zamindir gavdasi bor, boshi yo‘q,

      Ul Oftobdir, kiprigi yo‘q, qoshi yo‘q,

      Jahonni sayr eta ko‘p narsa ko‘rmish.

      – Ul ne qushdir, qanoti yo‘q, ucharmish?

      Ul ne soldir, Ummonlardan kecharmish?

      Ul ne erur, yetti daryo kecharmish?

      Sakkizini ko‘zlab, mastona bormish?

      – Jon qushlari hech qanotsiz ucharmish,

      Yuzib Dengiz-Ummonlardan kecharmish,

      Yurmasmish, joni yo‘q, lek suv icharmish,

      Birin olsa, sakkiz mastona bormish.

      Ro‘zi-mahshar shikva etar tilingdan,

      Rasvoliging shudir sening, g‘iybatchi.

      Umring elga berma, ozma yo‘lingdan,

      Og‘ritmagil yel-ulusing, g‘iybatchi!

      Bulutdek gumburlab, barq kabi gurlar,

      Goh muzdan taxt yasar, otashdan erlar.

      Xachirdek chayonlar, tuyadek morlar,

      Badaningdan so‘rar qoning g‘iybatchi!

      Holing ko‘rgan hayron bo‘lib yig‘larlar,

      O‘zing Sijjin otli joyda bog‘larlar,

      Tiling tortib, temir bilan dog‘larlar,

      Qaro bo‘lar ul Kun kuning g‘iybatchi!

      Yomon so‘z ayirar yaxshi do‘stingdan,

      Gunohing yuk bo‘lib, bosar ustingdan,

      Jahannam ichinda tomug‘ ostindan

      Falaklarga chiqar uning g‘iybatchi!

      Malaklar ko‘tarib gurzi urarlar,

      Andomingdan suvdek oqar zaharlar,

      Vishillab turarlar tegrangda morlar,

      Vujudingdan so‘rar qoning g‘iybatchi!

      Bir dam qutulmassan do‘zax noridan,

      Taningga tarqagan ilon zahridan,

      Shul azobda hasratingdan, zoringdan,

      Falaklarga chiqar uning g‘iybatchi!

      O‘rin bergay Senga eltib bir joyga,

      Kuning kechar kecha-kunduz oh-voyda,

      Azobing orttirar sening har oyda,

      Chilimkash, hamrohing sening g‘iybatchi!

      Ro‘siyosan, mahshar kuni Karimga,

      Tangri savobingdan olar jarima,

      Imonsiz tan to‘g‘ri eltar jahimga56,

      Gina yetar sendan joning g‘iybatchi!

      Maxtumquli aytar: el-yurt ko‘zidan,

      Tushibon, xor bo‘lsang, ko‘rgil o‘zingdan,

      Tiling tiy, bo‘lmasa harom so‘zingdan,

      Shaksiz, barbod bo‘lar dining g‘iybatchi!

      – Bizdan salom Maxtumquli ustodga.

      Otamiz Odamning to‘nin kim bichdi?

      Tumanli boshingga qurbon bo‘layin,

      Jumlaga totug‘li mayni kim ichdi?

      – Bizdan salom bo‘lsin Durdi shoirga,

      Jabroyil keltirdi, rizvonlar bichdi.

      Qudrat bilan, shaytonning ol-sharobin

      Odam Ato bilan ul Havvo ichdi.

      – Olamning tegrasi ne rangli tog‘dir?

      Ul ne qushdir, doim unda tussog‘dir^*?

      Oshiqlar sevgani bu ne bulog‘dir?

      Haftoyil abvobin borib kim ochdi?

      – Qof degan zabarjad, rangba-rang tog‘dir,

      Qaqnus bir qush, doim anda tussog‘dir,

      Muqosot deyarlar, ajib bulog‘dir,

      Haftoyil abvobin oshiqlao ochdi.

      – Ta’lamun tog‘inda, kimdir, kezdilar?

      Mo‘‘min munda, barot anda yozdilar,

      Ul qay yerda Buroq otni tuzdilar?

      Necha yilda Yerdan Ko‘kka etishdi?

      – Ta’lamun tog‘ida zohid kezdilar,

      Mo‘‘min bunda, barot anda yozdilar,

      Shomixotda Buroq otni tuzdilar,

      Har qirq yilda(n) Zuhra – ko‘kka yetishdi.

      – Tangrining jahonda, bil, tog‘i necha?

      Behishtda Tuboning butog‘i necha?

      Yuzining mashqining varog‘i necha?

      Behishtning kaliti kimga qovushdi?

      – Yetti iqlim bordir, yettidir tog‘i,

      Etmish ming Tubiyning bargi-butog‘i.

      «La ilaha» bo‘lar mashqning varog‘i,

      O‘shal СКАЧАТЬ