Яңа гасыр тавышы / Голос нового века (на татарском языке). Антология

Чтение книги онлайн.

      Юл булсын.

      Һәм булсын тынлык.

      Калганы килә, китә.

      Кемнедер дәвалый, кемне

      Иртәрәк гүргә кертә.

      Күк булсын.

      Булсын йолдызлар.

      Җирнеке – зина гына.

      Шартлатып бикли адәмне

      Тынчыган зинданына.

      Кешеләр күнә.

      Күнегә.

      Карусыз гына. Гаусыз.

      Һәм яши башлыйлар шулай —

      Күкрәүсез, шартлауларсыз.

      Үз-үзен ишетми хәтта.

      Башканы түгел, үзен.

      Арзанрак кием сайлыйлар —

      Язларын, кышын, көзен.

      Без башка камырдан, болай

      Яшәмәс төсле идек.

      Җиңдеңме син безне, дөнья,

      Шушымы безнең тиңлек?!

      Мин торам юлның башында…

      Башында әле һаман…

      Булсын ул!

      Аңа ышаныйм.

      Калганы – күптән ялган.

      Кабакларның зәңгәр төтенендә

      Синең сылу сының чайкала…

      Син эзлисең аны —

      Айнытырга —

      Бүген тагын куна кайтмаган.

      Һәм көнлисең диңгез артындагы

      Бердәнбере —

      Затлы ярына…

      Син кирәксең кайчак —

      Таянырга —

      Алар төкергәндә зарына.

      Үз зарыңны ләкин

      Сиздермисең.

      Син – кем генә…

      Ул – ай… Ул – кояш…

      Кайчак җырлар җырлый – үчекләпме:

      «Кашкайларың, диеп, һай, кыйгач…»

      Тик беләсең: сиңа түгел җыры…

      Уйлары да бик-бик еракта…

      Син атлыйсың төнге урамнардан,

      Кайчак сабыр җитми, елата.

      Кабакларның куе төтенендә

      Саф яшьлеген аның эзлисең.

      Пышылдыйсың:

      «Юкка гынамыни

      Син… Күк төсле… зәңгәр күзлесең…»

      Һәм телисең аны коткарырга

      Ялган дусларыннан, ярыннан.

      Алышасың алышмас көч белән…

      Тәкъдире бит күптән язылган:

      Акка – кара белән…

      Укып кара:

      «Ватык көзге дә…

      Бер мин генә…»

      Ул йокыга тала – сабыймыни,

      Башын салып нәфис иңеңә…

      Ә шомлы көч якынлаша бара —

      Күләгәдәй йөри артыннан…

      Ят бер бүлмә булыр:

      Кара тапмый,

      Каны белән язар – ахырда…

      Язмышның СКАЧАТЬ